”اپنا دماغ بھی استعمال کر لیا کرو، 48ڈگری درجہ حرارت میں ایسے کپڑے کون پہنتا ہے“ سینئر صحافی عمر قریشی نے یہ تصویر شیئر کی تو آگے سے پاکستانیوں نے ان کا کیا حشر کیا ؟ جان کر آپ ہنس ہنس کر بے حال ہوجائیں گے

”اپنا دماغ بھی استعمال کر لیا کرو، 48ڈگری درجہ حرارت میں ایسے کپڑے کون پہنتا ...
”اپنا دماغ بھی استعمال کر لیا کرو، 48ڈگری درجہ حرارت میں ایسے کپڑے کون پہنتا ہے“ سینئر صحافی عمر قریشی نے یہ تصویر شیئر کی تو آگے سے پاکستانیوں نے ان کا کیا حشر کیا ؟ جان کر آپ ہنس ہنس کر بے حال ہوجائیں گے

  

کراچی (ڈیلی پاکستان آن لائن) سوشل میڈیا پر طرح طرح کی جھوٹی سچی خبریں پھیلائی جاتی ہیں اور بغیر ثبوت کے بلند بانگ دعوے کردیے جاتے ہیں جن کی کوئی تصدیق کی بھی زحمت نہیں کرتا لیکن اگر کسی ذمہ دار شخص کی جانب سے بلا تصدیق کوئی پوسٹ کی جائے تو پاکستانی اس کا وہی حشر کرتے ہیں جو سینئر صحافی عمر قریشی کا کیا ہے ۔

عمر قریشی کی جانب سے ایک معمر شخص کی تصویر شیئر کی گئی جو چارپائی پر اپنی بیوی کو کھینچتا ہوا نظر آتا ہے۔ قریشی نے لکھا کہ یہ معمر آدمی اپنی بیوی کو چارپائی پر سرکاری ہسپتال کھینچ کر لایا ، اس کے پاس ایمبولینس یا دیگر کوئی سہولت موجود نہیں تھی ۔عمر قریشی کی جانب سے شیئر کی گئی یہ تصویر ایک بار تو انسان کے ضمیر کو جھنجھوڑ دیتی ہے لیکن پھر جب تصویر میں نظر آنے والے لوگوں کی حالت دیکھی جائے تو بندہ سمجھتا ہے کہ یہ تصویر انسانی ہمدردی سے زیادہ کسی مبینہ پراپیگنڈے کا حصہ ہے کیونکہ سب لوگوں نے سردیوں کے کپڑے پہنے ہوئے ہیں اور شدید گرمی کے موسم میں ایسی تصویر شیئر کرنا سمجھ سے بالا تر ہے۔

سوشل میڈیا صارفین کی جانب سے عمر قریشی کی یہ تصاویر شیئر کرنے پر خوب کلاس لگائی گئی۔ ترقی والا بابا نے اس تصویر کو ڈیڑھ سال پرانی قرار دیتے ہوئے جھنگ کے ضلعی ہسپتال کو لاہور کے پرائیویٹ ہسپتالوں سے بہتر قرار دے دیا۔

بلال ملک نے انگریزی میں ان پڑھ بابے کو مشورہ دیا کہ وہ 1122 ڈائل کرکے ایمبولینس بلا سکتا تھا۔جس پر ان پڑھ بچہ نامی صارف نے بلال احمد ملک اور عمر قریشی دونوں کو ایک ہی ٹویٹ میں کچھ ان الفاظ میں نمٹایا۔

چوہدری زبیر نے تو یہ تصویر دیکھ کر محکمہ موسمیات کی طرح پیشگوئی کردی۔

نزاکت نے گرمی میں سویٹر پہنانے پر عمر قریشی کو 21 توپوں کی سلامی پیش کی۔

سمیع یوسف باجوہ نے انتہائی مہذب انداز میں غلطی کی نشاندہی کچھ اس طرح کی ۔

فیصل نامی صارف نے ان تصویروں کو مشرف دور کی قرار دیا اور کہا کہ یہ سردیوں کی ہیں، جس پر عزہ بتول نے بہت ہی سنجیدہ سوال اٹھایا اور کہا ’ کیا سردیاں صرف مشرف دور میں تھیں؟‘۔

اختر ساگر نے عمر قریشی کو اپنا دماغ استعمال کرنے کا مشورہ کچھ اس انداز میں دیا’عمر بھائی آپ بہت معزز ہو میرے لئے مگر کچھ اپنا دماغ بھی استعمال کر لیا کرو 48ڈگری درجہ حرارت میں ایسے کپڑے کون پہنتا ہے‘۔

مزید :

ڈیلی بائیٹس -علاقائی -سندھ -کراچی -