دوران پرواز ہوائی جہاز کی کھڑکی ٹوٹ گئی اور پھر۔۔۔

دوران پرواز ہوائی جہاز کی کھڑکی ٹوٹ گئی اور پھر۔۔۔
دوران پرواز ہوائی جہاز کی کھڑکی ٹوٹ گئی اور پھر۔۔۔

  

بیجنگ(نیوز ڈیسک)چین کے ایک ائیرپورٹ سے اڑان بھرنے والے ایک ہوائی جہاز میں بیٹھے مسافروں میں اس وقت شدید خوف و ہراس پھیل گیا جب ہزاروں فٹ کی بلندی پر طیارے کی کھڑکی میں دراڑ پڑ گئی اور اسے ایمرجنسی لینڈنگ کے لئے قریبی ائرپورٹ پر اترنا پڑ گیا۔

ڈیلی سٹار کے مطابق یہ پرواز چین سے ویتنام کیلئے روانہ ہوئی تھی۔ کیپیٹل ائیرلائنز کی اس پرواز کو اُڑان بھرے کچھ ہی وقت گزرا تھا کہ اس کی ایک کھڑکی پر ایک بڑی دراڑ نمودار ہوگئی۔ سوشل میڈیا پر سامنے آنے والی ایک ویڈیو میں دیکھا جاسکتا ہے کہ عملے کا ایک رکن پرواز A321کے مسافروں کو بتارہا ہے کہ طیارے کی ونڈ شیلڈ پر دراڑ پڑگئی ہے۔ خطرناک صورتحال کے باعث طیارے کو فوری طور پر ایمرجنسی لینڈنگ کروائی گئی جس کے باعث عملے اور مسافروں کی جانیں بچ گئیں ورنہ غالب امکان تھا کہ کوئی بڑا حادثہ پیش آجاتا۔

مزید :

ڈیلی بائیٹس -بین الاقوامی -