ابرارالحق کی بطورچیئرمین ہلال احمر تعیناتی پر حکم امتناع برقرار، وفاق سے 5دسمبر تک جواب طلب

  ابرارالحق کی بطورچیئرمین ہلال احمر تعیناتی پر حکم امتناع برقرار، وفاق سے ...

  



اسلام آباد(مانیٹرنگ ڈیسک) اسلام آباد ہائیکورٹ نے ابرار الحق کی بطور چیئرمین پاکستان ریڈ کریسنٹ سوسائٹی(ہلال احمر) تعیناتی پر حکم امتناع برقراررکھتے ہوئے وفاق کو 5 دسمبر تک جواب جمع کرانے کی مہلت دیتیہوئے سماعت ملتوی کر دی۔اسلام آباد ہائی کورٹ کے چیف جسٹس اطہر من اللہ نے سابق چیئرمین ریڈ کریسنٹ سوسائٹی سعید الہی کی درخواست پر سماعت کی، دوران سماعت ڈپٹی اٹارنی جنرل طیب شاہ عدالت میں پیش ہوئے اور جواب جمع کرانے کے لیے مزید وقت دینے کی استدعا کی، عدالت نے ابرار الحق کی تعیناتی کا نوٹیفکیشن آئندہ سماعت 5 دسمبر تک معطل رہنے کا حکم دیا اور وفاق کی جواب جمع کرانے کی استدعا منظور کر لی۔عدالت نے وفاق کو بذریعہ اسٹیبلشمنٹ ڈویڑن اور ابرار الحق سمیت دیگر فریقین کو دوبارہ نوٹس جاری کرتے ہوئے کیس کی مزید سماعت آئندہ جمعرات پانچ دسمبر تک ملتوی کر دی ہے، عدالت نے ابرار الحق کی تعیناتی کا نوٹیفکیشن معطل برقرار رکھتے ہوئے سابق چیئرمین سعید الہٰی کو عہدے پر بحال رکھا ہے۔

ابرارالحق 

مزید : علاقائی