اطالوی رکن اسمبلی کی پارلیمنٹ کی گیلری میں بیٹھی خاتون کو شادی کی پیشکش

  اطالوی رکن اسمبلی کی پارلیمنٹ کی گیلری میں بیٹھی خاتون کو شادی کی پیشکش

  



روم (این این آئی)اطالوی رکن اسمبلی نے پارلیمنٹ میں خاتون کو شادی کی پیشکش کر کے سب کو حیران کر دیا،میڈیارپورٹس کے مطابق33 سالہ فلے ویو دی مورو نامی اطالوی رکن پارلیمنٹ نے اجلاس کے دوران اپنی گرل فرینڈ الیزا دی لیو کو شادی کی پیشکش کی جو گیلری میں بیٹھی ہوئی تھیں۔اجلاس میں زلزلے کے بعد تعمیر نو کے معاملے پر بحث جاری تھی کہ اس دوران انہوں نے اچانک کہا کہ آج کا دن دوسرے دنوں کی طرح نہیں یہ مختلف اور خاص ہے۔بعدازاں انہوں نے نیچے جھک کر انگوٹھی نکالی اور گیلری میں بیٹھی اپنی دوست الیزا سے تمام پارلیمنٹ ارکان کے سامنے محبت کا اظہار کیا۔انہوں نے انگوٹھی سامنے کرتے ہوئے اپنی دوست سے پوچھا کہ کیا تم مجھ سے شادی کرو گی؟اس پر ان کے اردگرد بیٹھے تمام ممبران نے قہقہہ لگائے اور تالیاں بجا کر ان کی حوصلہ افزائی کی جب کہ گیلری میں بیٹھی الیزا نے غیر متوقع شادی کی پیشکش پر خوشی و حیرت کے ملے جلے تاثر کے ساتھ ہاں کر ڈالی۔

شادی کی پیشکش

مزید : صفحہ آخر