پنجاب میں خواتین سے بداخلاقی، قتل کے واقعات میں تشویشناک اضافہ

پنجاب میں خواتین سے بداخلاقی، قتل کے واقعات میں تشویشناک اضافہ

  



لاہور(آن لائن)پنجاب پولیس کو جدید ٹیکنالوجی سے لیس کرنے کے باوجود صوبے میں خواتین کے ساتھ عصمت دری اور قتل کے واقعات میں تشویشناک اضافہ دیکھا جارہا ہے۔پنجاب پولیس کے ریکارڈ کے مطابق ان 5 برسوں میں خواتین پر تشدد، عصمت دری، قتل اور تیزاب پھینکنے کے 15 ہزار سے زائد کیسز رپورٹ ہوئے ہیں۔پولیس ریکارڈ کے مطابق 2014 میں خواتین سیبداخلاقی کے 2 ہزار 281، 2015 میں 2 ہزار 618 اور 2016 میں 2 ہزار 746 کیسز رپورٹ ہوئے ہیں۔اسی طرح 2017 میں 2 ہزار 998 جب کہ سال 2018 میں 2 ہزار 937 خواتین سے بداخلاقی اور قتل کے مقدمات مختلف تھانوں میں درج ہوئے۔ریکارڈ کے مطابق 2019کے 10 ماہ کے دوران خواتین سے بداخلاقی کے تین ہزار 387 واقعات رپورٹ ہوئے جب کہ غیرت کے نام پر 149 خواتین کو بے دردی سے قتل کردیا گیا، اسی عرصے میں تیزاب پھینکنے کے 36 واقعات بھی رپورٹ ہوئے۔

بداخلاقی

مزید : صفحہ آخر