سپریم کورٹ نے وزیراعظم کے  اختیار کو تسلیم کیا، ندیم افضل چن 

سپریم کورٹ نے وزیراعظم کے  اختیار کو تسلیم کیا، ندیم افضل چن 

  



اسلام آباد(مانیٹرنگ ڈیسک) ترجمان وزیراعظم ندیم افضل چن کا کہنا ہے سپریم کورٹ نے وزیراعظم کے اختیار کو تسلیم کیا۔آرمی چیف جنرل قمر جاوید باجوہ سے متعلق عدالتی فیصلے پر وزیراعظم کے ترجمان ندیم افضل چن نے کہا کہ پارلیمنٹ سپریم ہے قانون سازی ہی اصل ذمہ داری ہے، منفی پراپیگنڈا کر کے غیر یقینی صورت حال پیدا کرنے کی کوشش کی گئی، دوران کیس جنرل باجوہ کی ذات پر بھی کوئی سوال نہیں اٹھا، صورتحال کے نتیجے میں سیاسی استحکام پیدا ہو گا۔ترجمان وزیراعظم ندیم افضل چن کی میڈیا کے کردار کی تعریف کرتے ہوئے کہا کہ عدالتی فیصلے سے متعلق میڈیا نے ذمہ داری کا مظاہرہ کیا، 4 دن تک میڈیا اور اپوزیشن جماعتوں نے بصیرت سے کام لیا، ملکی جمہوریت اور آزادی اظہار کے لئے یہ کرداراہم ہے، کچھ لوگ خاموش رہ کر بھی اشارتاً بہت باتیں کرتے تھے۔ندیم افضل چن نے کہا کہ ملکی تاریخ میں عدلیہ، پارلیمنٹ ایگزیکٹو اور فوج کے لئے اچھا دن ہے، اداروں کے آئینی حقوق کو تسلیم کیا گیا ہے، سپریم کورٹ نے وزیراعظم کے فیصلے پر مہر ثبت کی ہے اور سپریم کورٹ نے وزیراعظم کے اختیار کو تسلیم کیا جب کہ اپوزیشن وزیراعظم کے فیصلے کے ساتھ کھڑی ہے۔

ندیم افضل چن

مزید : صفحہ اول