سندھ میں ڈینگی کے مریضوں کی تعداد 15058ہوگئی

  سندھ میں ڈینگی کے مریضوں کی تعداد 15058ہوگئی

  



کراچی (اسٹاف رپورٹر)ملک بھر میں ڈینگی وائرس نے شہریوں کی زندگی اجیرن کردی، سندھ میں ڈینگی سے متاثرہ مریضوں کی تعداد 15058 ہوگئی۔ڈینگی سرویلینس سیل کی جانب سے جاری رپورٹ میں کہاگیاہے کہ صوبے میں ڈینگی مچھروں کے کاٹنے سے مریضوں کی تعداد میں اضافہ ہورہا ہے، کراچی میں ڈینگی سے متاثرہ مریضوں کی تعداد14011 جبکہ سندھ بھرمیں یہ تعداد15058ہوگئی ہے۔رپورٹ کے مطابق کراچی میں ڈینگی کے مزید 107کیسز رپورٹ ہوئے ہیں، سندھ کے دیگر اضلاع میں ڈینگی کے 8کیسز سامنے آئے، جبکہ شہرقائد میں ڈینگی سے اب تک 40اموات ہوچکی ہیں۔ڈینگی سرویلینس سیل کی جانب سے تاحال ڈینگی لاروے کو تلف کرنے اور اسپرے اور فیومیگیشن کا عمل شروع نہیں کیا گیا۔ سرد موسم کے باوجود ڈینگی کیسز کی تعداد میں اضافے کا سلسلہ جاری ہے۔

مزید : صفحہ آخر