”ایسے نہیں ہوتا بھائی“ شعیب اختر نے باﺅلرز کی شدید ’کلاس‘ لے لی

”ایسے نہیں ہوتا بھائی“ شعیب اختر نے باﺅلرز کی شدید ’کلاس‘ لے لی
”ایسے نہیں ہوتا بھائی“ شعیب اختر نے باﺅلرز کی شدید ’کلاس‘ لے لی

  



لاہور (ڈیلی پاکستان آن لائن) پاکستان کرکٹ ٹیم کے مایہ ناز سابق فاسٹ باﺅلر شعیب اختر نے آسٹریلیا کیخلاف انتہائی ناقص کارکردگی پر قومی باﺅلرز پر تنقید کرتے ہوئے کہا ہے کہ باﺅلرز کو ذرا بھی معلوم نہیں تھا کہ وکٹیں کیسے حاصل کرنی ہیں۔

تفصیلات کے مطابق راولپنڈی ایکسپریس نے سماجی رابطوں کی ویب سائٹ ٹوئٹر پر جاری اپنے پیغام میں لکھا ”پاکستانی باﺅلرز کو کو معلوم ہی نہیں تھا کہ آسٹریلیا کی پچوں پر وکٹیں کیسے حاصل کرنی ہیں۔ وکٹیں تحفے میں مل جانے یا آسٹریلیا کی اننگز ڈکلیئر ہونے کا انتظار کر رہے ہیں۔ ایسا نہیں ہوتا بھائی!“

واضح رہے کہ ایڈیلیڈ میں جاری پاکستان اور آسٹریلیا کے درمیان دوسرے ٹیسٹ میچ میں پاکستانی باﺅلرز اور بلے بازوں کی ناقص کارکردگی پر تنقید کا سلسلہ جاری ہے۔ قومی ٹیم کو پہلے ٹیسٹ میچ میں اننگز اور 5 رنز کی شکست کا سامنا کرنا پڑا تھا اور دوسرے میچ میں بھی آسٹریلین ٹیم کی پہلی اننگز کے 589 رنز بنا کے جواب میں گرین شرٹس نے 6 وکٹوں کے نقصان پر صرف 96 رنز ہی بنائے ہیں۔

باﺅلرز کے بعد بلے بازوں کی بھی ناقص کارکردگی کی وجہ سے آسٹریلین ٹیم کی میچ پر گرفت بہت مضبوط ہو گئی ہے اور یوں محسوس ہو رہا ہے کہ قومی ٹیم اس میچ میں بھی اننگز کی شکست سے ہی دو چار ہو گی اور یوں آسٹریلیا کو اس کی سرزمین پر شکست دینے کا خواب ایک مرتبہ پھر ادھورا رہ جائے گا۔

مزید : کھیل