نہیں   پڑھا گیا  وہ خط  دعا  سلام مسترد۔۔۔

نہیں   پڑھا گیا  وہ خط  دعا  سلام مسترد۔۔۔
نہیں   پڑھا گیا  وہ خط  دعا  سلام مسترد۔۔۔

  IOS Dailypakistan app Android Dailypakistan app

لکھا ہوا وہ خون دل سےسب پیام مسترد
نہیں   پڑھا گیا  وہ خط  دعا  سلام مسترد

 اگرپلائیں شوق سےتو یہ برا ہےنہ پیئں
نظر چرا کےدیں اگر تو سارےجام مسترد

 وصال کی خوشی نہیں تو زندگی میں کیا ملا
سرور صبح مسترد  خمار  شام مسترد

 خیال یار میں جیوں خیال یار میں مروں
کمال یہ  نہ کر سکا تو سارے  کام مسترد

 ردیف مسترد پہ جو غزل کہی ابھی ابھی
کہیں سے داد نہ ملی تو یہ کلام مسترد

 اگر غزل میں جان ہےتو کھل کےداد دیجئے
نہیں تو واہ  مسترد سبھی سلام مسترد

 اگراے  عامر ولی نہیں ہےتجھ میں عاجزی
ترے   سجود    مسترد  ترے  قیام   مسترد

کلام : عامر اعظمی ( العین، متحدہ عرب امارات )

مزید :

شاعری -