احسن اقبال کی نااہلی کےباعث ہماری حکومت ناکام ہوئی،دانیال عزیز

احسن اقبال کی نااہلی کےباعث ہماری حکومت ناکام ہوئی،دانیال عزیز
احسن اقبال کی نااہلی کےباعث ہماری حکومت ناکام ہوئی،دانیال عزیز

  IOS Dailypakistan app Android Dailypakistan app

لاہور (ڈیلی پاکستان آن لائن)پاکستان مسلم لیگ (ن) کے رہنما دانیال عزیز نے اپنی ہی پارٹی کے سینئر رہنما احسن اقبال کو شدید تنقید کا نشانہ بنادیا۔

اپنے بیان میں انہوں نے کہا کہ احسن اقبال بلدیاتی حکومتوں کے بارے میں خود کو عقل کُل سمجھتے ہیں، انہیں مقامی حکومتوں سے متعلق تقریر جھاڑنے سے پہلے جواب دینا چاہیے۔احسن اقبال پرائس مانیٹرنگ کمیٹی کے چیئرمین تھے ریکارڈ توڑ مہنگائی پر قابو کیوں نہ پا سکے؟ اس نااہلی کی وجہ سے ہماری حکومت عوامی سطح پر مکمل ناکام ہوگئی تھی، ہماری پارٹی مسلم لیگ ن مہنگائی کو کم رکھنے کا بہت اچھا ریکارڈ رکھتی تھی۔

 دانیال عزیز نے مزید کہا کہ مہنگائی کی وجہ سے ہماری پارٹی کی ساکھ کو شدید نقصان پہنچا، غریب عوام کو کمر توڑ مہنگائی کا سامنا کرنا پڑا جو احسن اقبال کی مکمل نا اہلی اور ناکامی تھی۔پارٹی نے مہنگائی کا نوٹس لیا ہوتا تو ناکامی پر یقیناً احسن اقبال کو برطرف کر دیا جاتا، الیکشن سر پر ہیں پارٹی مہنگائی کا نوٹس نہ بھی لے تو عوام ہر حال میں لیں گے۔

رہنما مسلم لیگ ن نے یہ بھی کہا کہ اب وہ ووٹ کو جاری مہنگائی سے جوڑ رہے ہیں جس کے ذمہ دار احسن اقبال ہیں۔

مزید :

سیاست -