ڈائریکٹر سہراب افگن کے ملی نغمہ کی ویڈیو نے سوشل میڈیا پر دھوم مچا دی

لاہور(فلم رپورٹر)ڈائریکٹر سہراب افگن کے ملی نغمے کی ویڈیونے سوشل میڈیا پر دھوم مچا دی ۔ویڈیو کی ریلیز کے بعد سے اب تک ہزاروں لوگوں نے اس کو دیکھا اور پسند کیا ہے ۔یو ایس انٹرٹینمنٹ کے بینر تلے بنائی جانے والی اس ویڈیو کے سنگرز چاند خاں اور زوہیب حسن ہیں اس ملی نغمہ کو میجر احمد نواز نے تحریر کیا ہے جبکہ اس کی موسیقی سورج خاں نے ترتیب دی ہے۔’’پاکستان‘‘سے گفتگو کرتے ہوئے پروڈیوسر و ڈائریکٹرسہراب افگن نے بتایا کہ کوئٹہ میں یوم دفاع پاکستان کی مناسبت سے منعقدہ تقریب میں اس ویڈیو کو دس ہزار سے زائد لوگوں نے دیکھاتھا ۔
اس کے ساتھ ساتھ یہ تقریب پی ٹی وی بولان سے براہ راست نشر کی گئی تھی۔اس تقریب میں کمانڈر سدرن کمانڈ لیفٹننٹ جنرل عامر ریاض ،ویزیر اعلیٰ بلوچستان سردار ثناء اللہ زہری ،گورنرمحمد خان اچکزئی اور دیگر معززین نے خصوصی طور پر شرکت کی تھی۔ایک سوال کے جواب میں سہراب افگن نے بتایا کہ سوشل میڈیا پر اس ویڈیو کی پسندیدگی میں مسلسل اضافہ ہو رہا ہے ۔میں اس ویڈیو کو ملک کے دیگر چینلز سے بھی آن ائیر کرنے کا ارادہ رکھتا ہوں ۔