گلوکاری کے شعبے میں نئے لوگوں کی آمد سے خوشگوار تبدیلی آئی ،سدرہ نور

گلوکاری کے شعبے میں نئے لوگوں کی آمد سے خوشگوار تبدیلی آئی ،سدرہ نور
 گلوکاری کے شعبے میں نئے لوگوں کی آمد سے خوشگوار تبدیلی آئی ،سدرہ نور

  

لاہور ( فلم رپورٹر)معروف اداکارہ،پرفارمر اورگلوکارہ سدرہ نور نے کہا ہے کہ مثبت سوچ رکھنے والے لوگ ہمیشہ عزت پاتے ہیں ، خدانے انسان کو اچھے مقصد کے لئے دنیا میں بھیجا ہے تاکہ ہم خدا کے احکامات کے مطابق زندگی گزار سکیں ۔ سدرہ نور نے کہا کہ گلوکاری کے شعبے میں نئے لوگوں کی آمد سے ایک خوشگوار تبدیلی دیکھنے میں آئی ہے ۔ہر طرح کے گانے شوق سے گاتی ہوں ۔ پاپ میوزک شروع سے ہی میرا پسندیدہ رہا ہے ۔ انہوں نے کہا کہ عام زندگی میں سادہ طبیعت کی مالک ہوں ، کم بولتی ہوں اور سچ بولنے والے لوگ اچھے لگتے ہیں ۔ ایک سوال کے جواب میں انہوں نے کہا کہ پاکستان میں بے پناہ ٹیلنٹ موجود ہے مگر افسوس کے ساتھ کہنا پڑتا ہے کہ پرموشن نہ ہونے کے برابر ہے ۔ آج کل میں باقاعدگی سے ریاض کررہی ہوں۔

مزید : کلچر