عرب ملک کے سمندر سے ایک ایسا تربوز نکل آیا کہ تمام مملکت میں ہنگامہ برپا ہوگیا، علماءکرام سر جوڑ کر بیٹھ گئے
شارجہ(مانیٹرنگ ڈیسک)شارجہ کے ساحل سمندر پر شہریوں کو ایک پیلا تربوز ملا ہے جس پر عجیب و غریب الفاظ لکھے ہوئے ہیں اور اس میں کیل ٹھونکے ہوئے ہیں۔ شہریوں نے اس تربوز کو دیکھ کر پولیس کو اطلاع دی جس نے آ کر اسے قبضے میں لے لیا۔ گلف نیوز کی رپورٹ کے مطابق پولیس حکام کا کہنا ہے کہ تربوز پر لکھے الفاظ اور خاکوں سے لگتا ہے کہ یہ تعویز گنڈہ کرنے والوں کا کام ہے اور کسی پر جادو کرنے کے لیے اس پر تعویز لکھ کر اور کیل ٹھونک کر اسے سمندر برد کیا گیا تھا۔تاہم تصدیق کے لیے پولیس نے شارجہ ڈیپارٹمنٹ آف اسلامک افیئرز کے علماءکرام سے رابطہ کیا تاکہ وہ تربوز پر لکھے الفاظ کو پڑھ کرحتمی طور پر بتا سکیں کہ یہ کس مقصد کے لیے لکھے گئے تھے۔علماءکرام نے تصدیق کر دی کہ کسی شخص پر جادو کرنے کے لیے ہی تربوز پر تعویز لکھے گئے تھے اور کیل ٹھونکے گئے تھے۔ بعدازاں علماءکرام نے اس تربوز کو ضائع کر دیا۔
