عید میلادالنبیﷺ کے موقع پر قیدیوں کی سزاﺅں میں کمی کا اعلان 

عید میلادالنبیﷺ کے موقع پر قیدیوں کی سزاﺅں میں کمی کا اعلان 
عید میلادالنبیﷺ کے موقع پر قیدیوں کی سزاﺅں میں کمی کا اعلان 

  

 اسلام آباد(ڈیلی پاکستان آن لائن ) حکومت نے عید میلادالنبی ﷺکے موقع پر قیدیوں کی سزاو¿ں میں کمی کی منظوری دے دی ہے ۔

تفصیلات کے مطابق میلاد النبی ﷺ کے موقع پر ملک بھر میں قیدیوں کی سزاو¿ں میں ایک ماہ کی کمی کردی گئی۔ وزارت داخلہ نے وفاقی کابینہ اور صدر مملکت عارف علوی کی منظوری کے بعد سزاو¿ں میں تخفیف کیلئے تمام صوبوں اور گلگت بلتستان کو مراسلہ بھجوا دیا۔

2 تہائی سزا مکمل کرنے والے قیدیوں کی سزاو¿ں میں بھی ایک ماہ کمی ہوگی اور 18 سال سے کم عمر قیدیوں کی سزاو¿ں میں بھی 30 دن کی معافی دی گئی ہے۔مراسلے میں کہا گیا کہ دہشتگردی، ریاست مخالف سرگرمیوں میں ملوث، کرپشن اور قومی خزانے کو نقصان پہنچانے والے قیدیوں کی سزاو¿ں میں کمی نہیں ہوگی۔

مزید :

قومی -