ہر پاکستانی ذمہ داری کیساتھ ملکی ترقی اور استحکام کیلئے کردار ادا کرے: چودھری سرور
لاہور(جنرل رپورٹر) گور نر پنجاب چوہدری محمدسرور نے صحت،تعلیم اور سماجی خدمت سمیت مختلف شعبوں میں نمایاں کار کردگی کا مظاہر ہ کر نیوالی 30شخصیات کو”گور نر ایوارڈز“سے نواز دیا اور تقر یب سے خطاب کے دوان گور نر پنجاب چوہدری محمدسرور نے کہا کہ اللہ تعالیٰ نے جس کو بھی کوئی عہدہ اور کوئی ذمہ داری دی ہے ان سب کو اپنے عہدے سے انصاف کرنا چاہیے۔ ہر پاکستانی کی ذمہ داری بنتی ہے کہ وہ ملکی ترقی اور استحکام کے لیے اپنا کردار ادا کر ے۔تفصیلات کے مطابق گور نر پنجاب چوہدری محمدسرور نے گور نر ہاؤس لاہور میں منعقدہ تقر یب کے دوران مذہبی شخصیت مولانا فضل الر حیم،سماجی کارکن میاں سعید احمد،وائس چانسلر منصور سرور کے علاوہ نیئر علی دادا،عمار اویس،پروفیسر ڈاکٹر وحید الحسن،ثومیہ اقتدار،فاطمہ حسین،فدیہ کاشف،ڈاکٹر طارق چیمہ،ڈاکٹر روبینہ فر خ،افشاں حمید،کامران لاشاری،جنید سبحانی،ڈاکٹر سہیل مختار احمد،ڈاکٹر خالد محمود،رانا خرم شہزاد خان،ذیشان ضیا راجہ،طارق تنویر،شان این خان،سیدکوثرعباس،عائشہ جہانزیب،شبانہ اختر،استاد نایاب علی خاں،فرزانہ عاقب،پروفیسرعائمہ سید،اویس یونس،طاہر علی صادق،سعدیہ نورین اور سید حادیہ ہاشمی کو گور نر ایوارڈز سے نوا ز ا۔ اس موقع پر گور نر پنجاب کی اہلیہ بیگم پروین سرور سمیت دیگر بھی موجود تھے۔ گور نر پنجاب چوہدری محمدسرور نے تقریب سے خطاب اور میڈیا سے گفتگو کرتے ہوئے کہا کہ موجودہ حکومت ملک میں آئین وقانون کی حکمرانی پر یقین رکھتی ہے۔ اُنہوں نے کہا کہ خواتین کو ہر اساں کر نے جیسے جرائم کیخلاف حکومتی ادارے سخت ایکشن لے رہے ہیں اور ہم نے خواتین کیخلاف جرائم کی روک تھام اور اس بارے میں آگاہی کے لیے پنجاب بھر کی یونیورسٹیز میں مہم شروع کر نے کا فیصلہ کیا ہے۔ اُنہوں نے کہا کہ خواتین کیساتھ جرائم جیسے واقعات روکنے کے لیے معاشرے کے تمام طبقات کو اپنا کردار ادا کر نا ہے۔ گورنر پنجاب نے کہا کہ پاکستان کو اس وقت بہت سے چیلنجز کا سامنا ہے جن سے نمٹنے کے لیے ملک میں اتحاد اور یکجہتی کی ضرورت ہے۔ اُنہوں نے کہا کہ وزیر اعظم عمران خان کی قیادت میں احساس پروگرام،کامیاب جوان پروگرام اور کوئی بھوکا نہ سوئے جیسے پروگرام کا مقصد بھی انسانیت کی خدمت ہے۔ گور نر پنجاب چوہدری محمدسرور نے مختلف شعبوں میں بہتر ین کار کر دگی کا مظاہر ہ کر نیوالوں کو خراج تحسین پیش کرتے ہوئے ان کو ایوارڈز کی مبارکباد دی انہوں نے کہا کہ پاکستان میں کورونا بحران کے دوران بھی مخیر حضرات فر نٹ لائن پر نظر آئے ہیں اور صرف گور نر ہاؤس کی وساطت سے کورونا کے دوران 10ارب روپے کی چیئر ٹی کی گئی انہوں نے کہا کہ مستقبل میں بھی ہم اپنی غر یب عوام کیساتھ کھڑے ہوں گے۔ گور نر پنجاب کی اہلیہ بیگم پروین سرور نے تقر یب سے خطاب کے دوران کہا کہ میری زندگی کا مشن صرف اور صرف انسانیت کی خدمات اور خواتین کی ترقی اور خوشحالی ہے جس کے لیے میں سرور فاؤنڈیشن،پیس کونسل اور ہنر گاہ کے ذریعے کام کر رہی ہوں۔
چودھری سرور