وزیر اعظم عمران خان کی رواں سال37 فیصد زائد ٹیکس محصولات جمع کرنے پر ایف بی آر کومبارکباد
اسلام آباد(ڈیلی پاکستان آن لائن)وزیر اعظم عمران خان نے گزشتہ مالی سال کی اسی مدت کے مقابلہ میں رواں سال37 فیصد زائد ٹیکس محصولات جمع کرنے پر فیڈرل بورڈ آف ریونیو(ایف بی آر )کومبارکباد دی ہے۔
تفصیلات کے مطابق مائیکرو بلاگنگ ویب سائٹ پراپنے ٹویٹ میں وزیر اعظم نے کہا کہ جولائی سے اکتوبر کے دوران ٹیکس محصولات 1840 ارب روپے رہے جو گزشتہ مالی سال کے اس دورانیہ کے مقابلہ میں37 فیصد ہے جس پر ایف بی آر کو مبارکباددیتے ہیں،اکتوبر میں ٹیکس کے طے شدہ ہدف سے تجاوز کرگیا۔انہوں نے کہا کہ یہ سب مضبوط معاشی کارکردگی کے باوجود ممکن ہوا،پروپیگنڈہ کے باوجود انکم ٹیکس میں 32 فیصد اضافہ ہوا ہے۔
جولائی/اکتوبرکیلئے1840 ارب روپےکا ٹیکس اکٹھاکرنے پرمیں FBRکومبارکباد پیش کرتاہوں جوگزشتہ برس سے 37%زیادہ ہے۔ماہِ اکتوبرکےدوران ٹیکس وصولی کا ماہانہ ہدف عبورکیاگیا۔یہ سب ہماری ٹھوس معاشی کارکردگی کا نتیجہ ہے۔پراپیگنڈہ کےبرعکس سالانہ(YoY)بنیادوں پراِنکم ٹیکس میں بھی 32%اضافہ ہواہے۔
— Imran Khan (@ImranKhanPTI) October 30, 2021
