جیون ساتھی منتخب کرنے کے 7آسان طریقے

لاہور (نیوز ڈیسک ) شادی زندگی کے اہم ترین فیصلوں میں سے ایک ہے اور جسے آپ شریک حیات منتخب کرتے ہیں اس کے ساتھ ساری زندگی گزارتے ہیں لہٰذا یہ بات انتہائی اہم ہے کہ آپ یہ انتخاب درست کریں۔شریک حیات کے درست انتخاب کے لیے مندرجہ ذیل اہم باتوں کو ضرور مد نظر رکھیں۔
1 : شادی اس سے کریں جس کے ساتھ گفتگو میں آپ لطف محسوس کرتے ہوں کیونکہ ساری زندگی آپ کو ایک دوسرے سے گفتگو کرنا ہے اور اگر آپ اس میں بدمزگی محسوس کریں گے تو زندگی مشکل ہو جائے گی۔
2 : آپ کے مشاغل ایک سے ہونے چاہئیں یا کم از کم کافی حد تک ملتے جلتے ہوں تاکہ آپ مل کر لطف اندوز ہو سکیں۔
3 : اگر آپ کی ذہنی سطح میں زیادہ فرق ہو گا تو دونوں کو ایک دوسرے کو سمجھنے میں مشکل ہو گی لہٰذا شریک حیات کی تعلیم اور سمجھ بوجھ آپ جیسی ہی ہو تو بہتر ہے۔
4 : اپنے خاندانی معیار اور مرتبے کے مطابق شریک حیات ڈھونڈیں گے تو بہتر زندگی گزرے گی کیونکہ اس طرح آپ دونوں کے حالات اور رسم و رواج ملتے جلتے ہوں گے۔
5 : شریک حیات کے دل میں آپکی عزت ہونا ضروری ہے اور آپ کے دل میں ان کے لیے بھی عزت ہونا ضروری ہے۔
6 : آپ دونوں کے درمیان سچا تعلق ہونا ضروری ہے اگر شکوک شبہات ہوں اور آپ کی یا ان کی دلچسپی کسی اور میں بھی ہے تو پریشانیاں پیدا ہوں گی۔
7 : جس انسان کے ساتھ آپ کا دل زیادہ سے زیادہ وقت گزارنے کو کرتا ہے اس کے ساتھ زندگی بھر کا تعلق یقینا خوشگوار اور کامیاب ثابت ہو گا۔