پاکستان 6سال بعد ایران کو چاول کی برآمد آئندہ ماہ شروع کریگا
کراچی (اکنامک رپورٹر)ایران پر عائد اقتصادی پابندیوں میں نرمی کے بعد پاکستان چھ سال بعد چاول کی برآمد کا باقاعدہ آغاز آئندہ سے شروع کرے گا۔رائس ایکسپورٹرز ایسوسی ایشن کے چیئرمین رفیق سلیمان کے مطابق ایران پر عائد اقتصادی پابندیوں میں نرمی کے بعد پاکستان سے چھ سال بعد چاول کی برآمد کا باقاعدہ آغاز آئندہ ماہ سے کرے گا، تاہم توانائی کے بحران، کرنسی کی منتقلی اوریسرچ اینڈ ڈیویلپمنٹ کی سہولتیں نہ ہونے کے باعث پاکستان خاطر خواہ فائدہ نہیں اٹھاسکے گا۔ انہوں نے کہا کہ عالمی منڈی سے میں سخت مسابقت اور اخراجات میں اضافے کے پیش نظر حکومت ایکسپوٹرز کوکرائے کی مد میں بیس کروڑ ڈالر سبسڈی فراہم کرے۔ ایران چاول کی بہت بڑی منڈی ہے، جو عالمی پیداوار کا گیارہ فیصد درآمد کرتا ہے۔
