امریکی ریاست جارجیا میں 70 سال میں پہلی بار خاتون کو سزائے موت
ایٹلانٹا(مانیٹرنگ ڈیسک) امریکی ریاست جارجیا میں 70 سال میں پہلی بار کسی خاتون کو سزائے موت دےدی گئی.امریکی خبر رساں ادارے رائٹرز کے مطابق 47 سالہ کیلی گسنڈینر کو جیل میں زہریلا انجکشن دے کر موت کے گھاٹ اتار اگیا۔کیلی گسنڈینر کو اپنے شوہر کے قتل کے جرم میں گزشتہ فروری میں سزائے موت دی جانی تھی تاہم موسم سرما کے طوفان کی وجہ سے سزائے موت پر عملدرآمدروک دیا گیا تھا۔کیلی کو فروری 1997 میں اپنے شوہر ڈوگلس گسندینر کی قاتل ٹھہرایا گیاتھا۔کیلی نے ایک مرد دوست کے ذریعے اپنے شوہر کو اغواءکے بعد نہایت سفاکانہ طریقے سے قتل کرکے ڈوگلس کی کار کو جلا دیا اور لاش کو جنگلی جانوروں کے رحم و کرم پر چھوڑ دیا تھا۔کیلی کا خیال تھا کہ وہ اپنے شوہرکی انشورنس کی رقم حاصل کرلیں گی تاہم انھیں بعد میں علم ہوا کہ ان کے شوہر نے کوئی پالیسی نہیں لے رکھی تھی۔نومبر 1998 میں جرم ثابت ہوجانے کے بعد کیلی کو سزائے موت جبکہ ان کے مرد دوست کو 25 سال قید کی سزا سنائی گئی۔2014 میں امریکی سپریم کورٹ نے ان کی رحم کی اپیل بھی مسترد کردی تھی۔46سالہ کیلی گسنڈینر گزشتہ سات دہائیوں کے دوران جارجیا کی وہ پہلی خاتون ہیں جنھیں سزائے موت دی گئی۔1976 میں امریکی سپریم کورٹ کی جانب سے سزائے موت کی بحالی کے بعد وہ 16 ویں خاتون ہیں جنہیں سزائے موت دی گئی۔
