کویت کے امیر کے انتقا ل پر آرمی چیف کا اظہار افسوس 

کویت کے امیر کے انتقا ل پر آرمی چیف کا اظہار افسوس 
کویت کے امیر کے انتقا ل پر آرمی چیف کا اظہار افسوس 

  

راولپنڈی(ڈیلی پاکستان آن لائن )کویت کے امیر شیخ صباح الاحمد الصباح کے انتقال پر چیف آف آرمی سٹاف جنرل قمر جاوید باجوہ نے افسوس کا اظہار کیا ہے ۔ڈی جی آئی ایس پی آر کی جانب سے جاری بیان کے مطابق آرمی چیف نے کہا کہ اللہ تعالیٰ انہیں اپنے جوار رحمت میں جگہ عطا فرمائے اور ان کے خاندان کو اس نا قابل تلافی نقصان پر صبر جمیل اور ہمت عطا فرمائے ۔

واضح رہے کہ کویت کے امیرشیخ صباح الاحمد الصباح انتقال کر گئے،وہ گزشتہ کافی عرصے سے علیل تھے اور علاج کے سلسلے میں امریکہ میں مقیم تھے، امیر کویت نے 91برس کی عمر میں انتقال کیا۔ شاہی امور کے انچارج نے امیر کویت کی موت کا اعلان سرکاری ٹی وی پر کیا۔1929میں پیداہونےوالے شیخ صباح کویت کی جدید سفارتی پالیسی کےروح رواں تھے،وہ 1963 سے 2003 تک چالیس سال کویت کے وزیر خارجہ رہے ، وہ 2006 میں شیخ جابر الصباح کے انتقال کے بعد کویت کے امیر بن گئے تھے۔

مزید :

قومی -