ملک چلانے کیلئے ہم نے سیاسی مقدمات ختم کئے تھے، گیلانی

 ملک چلانے کیلئے ہم نے سیاسی مقدمات ختم کئے تھے، گیلانی

  

 کراچی(آئی این پی) پاکستان پیپلز پارٹی کے رہنما سابق وزیر اعظم یوسف رضا گیلانی نے کہا ہے کہ ہماری حکومت میں کوئی سیاسی قیدی نہیں تھے، بلوچستان سمیت ہر جگہ سے سیاسی مقدمات ختم کیے، ملک چلانا چاہتے تھے۔ تفصیلات کے مطابق آج وفاقی اینٹی کرپشن کورٹ میں ٹڈاپ کرپشن کیس میں سابق وزیر اعظم یوسف رضاگیلانی عدالت میں پیش ہوئے، بعد ازاں میڈیا سے گفتگو میں انھوں نے کہا کورونا کی وجہ سے یہ کیس نہیں چل رہا تھا، آج پیشی ہوئی، اب میں اسلام آباد جا رہا ہوں، آصف زرداری اور میرا وہاں بھی کیس ہے۔ یوسف رضا گیلانی نے کہا ہم نے ملک چلانے کیلئے سیاسی مقدمات ختم کر دیے تھے، ہم نے کہا تھا 73 کے آئین کو بحال کریں گے وہ کیا ہم نے، اب اگر ہماری قربانی سے ملک بہتر ہو سکتا ہے تو ہمیں کوئی مسئلہ نہیں، انھوں نے کہا نیب سے ڈرنے والے نہیں ہیں، گرفتاری کے سلسلے میں میری باری تو پہلے ہی آ چکی ہے، ہمارا آخری آپشن استعفی ہوگا، گرفتاریاں معنی نہیں رکھتیں دیکھنا یہ ہے حکومت کا معیار کیا ہے، اگر حکومتی منشور پر عمل درآمد ہوتا ہے تو عوام مطمئن ہوں گے۔

یوسف رضا گیلانی 

مزید :

پشاورصفحہ آخر -