کل رات کئی خوابِ پریشاں نظر آئے | رئیس امروہوی |
کل رات کئی خوابِ پریشاں نظر آئے
جو شہر کہ آباد تھے ویراں نظر آئے
بکھری ہوئی روندی ہوئی لاشوں سے گزر کر
ٹوٹے ہوئے مینار شہیداں نظر آئے
کہسارِ ہمالہ کی جھلک خواب میں دیکھی
گنگا میں اُبلتے ہوئے طوفاں نظر آئے
پہلے تو کسی قریۂ برباد میں ٹھہرے
آگے جو بڑھے گورِ غریباں نظر آئے
مہکی ہوئی اجداد کی خوشبو سے ہوائیں
ہر گام پہ آثارِ عزیزاں نظر آئے
جو مطلعِ تقدیس محبت تھے وہ چہرے
خفگی کے سبب ہم سے گریزاں نظر آئے
ہم جن کی پریشانیِ خاطر کا سبب تھے
وہ عالمِ رویا میں پریشاں نظر آئے
اک دامنِ عصمت کی کرن دور سے پھوٹی
دامن پہ کئی گوہر غلطاں نظر آئے
اس شہر کو جو شخص کے مولد کا شرف ہو
وہ شخص اسی شہر میں مہماں نظر آئے
لب پر ہے رئیسؔ اپنے یہ مصرع کئی دن سے
کل رات کئی خواب پریشاں نظر آئے
شاعر:رئیس امروہوی
(شعری مجموعہ"حکایاتِ نے":سالِ اشاعت 1989)
Kall Raat Kai Khaab -e-Pareshaan Nazar Aaey
Jo Shehr Keh Abaad Thay Veraan Nazar Aaey
Bikhri Hui Raondi Hui Lashon Say Guzar Kar
Tootay Huay Menaar-e-Shaheedaan Nazar Aaey
Kohsaar-e-Hamaala Ki Jhalak Khaab Men Dekhi
Ganga Men Ubaltay Huay Toofaan Nazar Aaey
Pehlay To Kisi Qarya-e-Barbaad Men Thehray
Aagay Jo Barray Gor-e-Ghareebaan Nazar Aaey
Mehki Hui Ajdaad Ki Khushbo Say Hawaaen
Har Gaam Pe Asaar-e-Azeezaan Nazar Aaey
Jo Matla -e-Taqdees -e-Muhabbat Thay Wo Chehray
Khafgi K Sabab Ham Say Gurezaan Nazar Aaey
Ham Jin Ki Preshaani-e- Khaatir Ka Sabab Thay
Wo Aalam-e-Roya Men Preshaan Nazar Aaey
Ik Daaman-e-Ismat K Kiran Door Say Phooti
Daaman Men Kai Gohar-e-Ghaltaan Nazar Aaey
Uss Shehr Ko Jiss Shakhs K Moallid Ka Sharaff Ho
Wo Shakhs Usi Shehr Men Mehmaan Nazar Aaey
Lab Par Hay RAIS Apnay Yeh Misraa Kai Din Say
"Kall Raat Kai Khaab Preshaan Nazar Aaey"
Poet: Rais Amrohvi