جنگل سے آگے نکل گیا
جنگل سے آگے نکل گیا
وہ دریا کتنا بدل گیا
کل میرے لہو کی رم جھم میں
سورج کا پہیا پھسل گیا
چہروں کی ندی بہتی ہے مگر
وہ لہر گئی وہ کنول گیا
اک پیڑ ہوا کے ساتھ چلا
پھر گرتے گرتے سنبھل گیا
اک آنگن پہلے چھینٹے میں
بادل سے اونچا اچھل گیا
اک اندھا جھونکا آیا تھا
اک عید کا جوڑا مسل گیا
اک سانولی چھت کے گرنے سے
اک پاگل سایہ کچل گیا
ہم دور تلک جا سکتے تھے
تو بیٹھے بیٹھے بہل گیا
جھوٹی ہو کہ سچی آگ تری
میرا پتھر تو پگھل گیا
مٹی کے کھلونے لینے کو
میں بالک بن کے مچل گیا
گھر میں تو ذرا جھانکا بھی نہیں
اور نام کی تختی بدل گیا
شاعر: رئیس فروغ
(شعری مجموعہ"رات بہت ہوا چلی" )
Jangal Say Aagay Nikall Gaya
Wo Darya Kitna Badall Gaya
Kall Meray Lahoo Ki Rim Jhim Men
Soorj Ka Pahiyya Phisal Gaya
Chehron Ki nadi Behti Hay Magar
Wo Lehr Gai Wo Kawnal Gaya
Ik Paiirr Hawa K Saath Chala
Phir Girtay Girtay Sanbhall Gaya
Ik Aangan Pehlay Chheentay Men
Baadal Say Ooncha Uchhall Gaya
Ik Andha Jhaonka Aaya Tha
Ik Eid Ka Joorra Masal Gaya
Ik Saanwli Chhat K Girnay Say
Ik Paagal Saaya Kuchall Gaya
Ham Door Talak Ja Saktay Thay
Too Baithay Baithay Bahall Gaya
Jhooti Ho Keh Sachi Aag Tiri
Mera Pathar To Pigghal Gaya
Mitti K Khilonay Lenay Ko
Main Baalak Ban K Machall Gaya
Ghar Men To Zaraa Jhaanka Bhi Nahen
Aor Naam Ki Takhti Badall Gaya
Poet: Rais Farogh