ہم نے خود اپنی رہنمائی کی |راحت اندوری |
ہم نے خود اپنی رہنمائی کی
اور شہرت ہوئی خدائی کی
منزلیں چومتی ہیں میرے قدم
داد دیجیے شکستہ پائی کی
کھلے رہتے ہیں سارے دروازے
کوئی صورت نہیں رہائی کی
ٹوٹ کر ہم ملے ہیں پہلی بار
یہ شروعات ہے جدائی کی
میں نے دنیا سے، مجھ سے دنیا نے
سینکڑوں بار بے وفائی کی
زندگی جیسے تیسے کاٹنی ہے
کیا بھلائی کی، کیا برائی کی
عشق کے کاروبار میں ہم نے
جان دے کر بڑی کمائی کی
شاعر: راحت اندوری
(شعری مجموعہ" ل٘محے لمحے":سال اشاعت؛2002 )
Ham Nay Kkhud Apni Rehnumaai Ki
Aor Shohrat Hui Khudaai Ki
Manzlen Choomti Hen Meray Qadam
Daad Dijiay Shakista Paai Ki
Khulay Rehtay Hen Saaray Darwaazay
Koi Soorat Nahen Rehaai Ki
Toot Kar Ham Milay Hen Pehli Baar
Yeh Shiruaat Hay Judaai Ki
Main Nay Dunya Say , Mujh Say Dunya Nay
Sainkarron Baar Be Wafaai Ki
Zindagi Jaisay Taisay Kaatni Hay
Kaya Bhalaai Ki , Kaya Bhalaai Ki
Eshq K Karobaar Men Ham Nay
Jaan Day Kar Barri Kamaai Ki
Poet: Rahat Indori