ہاتھ خالی ہیں ترے شہر سے جاتے جاتے |راحت اندوری |
ہاتھ خالی ہیں ترے شہر سے جاتے جاتے
جان ہوتی تو مری جان لٹاتے جاتے
اب تو ہر ہاتھ کا پتھر ہمیں پہچانتا ہے
عمر گزری ہے ترے شہر میں آتے جاتے
اب کے مایوس ہوا یاروں کو رخصت کر کے
جا رہے تھے تو کوئی زخم لگاتے جاتے
رینگنے کی بھی اجازت نہیں ہم کو ورنہ
ہم جدھر جاتے نئے پھول کھلاتے جاتے
میں تو جلتے ہوئے صحراؤں کا اک پتھر تھا
تم تو دریا تھے مری پیاس بجھاتے جاتے
مجھ کو رونے کا سلیقہ بھی نہیں ہے شاید
لوگ ہنستے ہیں مجھے دیکھ کے آتے جاتے
ہم سے پہلے بھی مسافر کئی گزرے ہوں گے
کم سے کم راہ کے پتھر تو ہٹاتے جاتے
شاعر: راحت اندوری
(شعری مجموعہ" ل٘محے لمحے":سال اشاعت؛2002 )
Haath Khaali Hen Tiray Shehr Say Jaatay Jaatay
Jaan Hoti To Miri Jaan Lutaatay Jaatay
Ab To Har Haath Ka Pather Hamen Pehchaanta Hay
Umr Guzri Hay Tiray Shehr Men Aatay Jaatay
Ab K Mayoos Hua Yaaron Ko Rukhsat Kar K
Ja Rahay Thay To Koi Zakhm Lagaatay Jaatay
Reengnay Ki Bhi Ijazayt Nahen Ham Ko Warna
Ham Jidhar Jaatay Naey Phool Khilaatay Jaatay
Main To Jaltay Huay Sehraaon Ka Ik Pathar Tha
Tum To Darya Thay Miri Piyaas Bujhaatay Jaatay
Mujh Ko Ronay Ka Saleeqa Bhi Nahen Hay Shayad
Log Hanstay Hen Mujhay Dekh K Aatay Jaatay
Ham Say Pehlay Bhi Mussaafir Kai Guzray Hon Gay
Kam Say Kam Raah K Pathar To Hataatay Jaatay
Poet: Rahat Indori