یادوں کے دریچوں کو ذرا کھول کے دیکھو | رام ریاض |
یادوں کے دریچوں کو ذرا کھول کے دیکھو
ہم لوگ وہی ہیں کہ نہیں بول کے دیکھو
ہم اوس کے قطرے ہیں کہ بکھرے ہوئے موتی
دھوکا نظر آئے تو ہمیں رول کے دیکھو
کانوں میں پڑی دیر تلک گونج رہے گی
خاموش چٹانوں سے کبھی بول کے دیکھو
ذرے ہیں مگر کم نہیں پاؤ گے کسی سے
پھر جانچ کے دیکھو ہمیں پھر تول کے دیکھو
سقراط سے انسان ابھی ہیں کہ نہیں رامؔ
تھوڑا سا کبھی جام میں بِس گھول کے دیکھو
شاعر: رام ریاض
(شعری مجموعہ" پیڑ اور پتے":سال اشاعت؛بارِ دوم،2002 )
Yaadon K Dareechon Ko Zara Khol K Dekho
Ham Log Wahi Hen Keh Nahen , Bol K Dekho
Ham Aos K Qatray Hen Keh Bikhray Huay Moti
Dhoka Nazar Aaey To Hamhen Rol K Dekho
Kaanon Men Barri Der Talak Goonj Rahay Gi
Khamosh Chattaanom Say Kabi Bol K Dekho
Zarray Hen , Magar Kam Nahen Paao Gay Kisi Say
Phir Jaanch K Dekho Hamen Phir Tol K Dekho
Suqraat K Insaan Abhi Hen Keh Nahen RAM
Thorra Sa Kabhi Jaam Men Biss Ghol K Dekho
Poet: Ram Riaz