د نیابھر میں قدرتی آفات کی وجہ سے 41ارب ڈالر کے اقتصادی نقصانات ہوئے

د نیابھر میں قدرتی آفات کی وجہ سے 41ارب ڈالر کے اقتصادی نقصانات ہوئے

  

زیورخ(آن لائن)د نیابھر میں قدرتی آفات کی وجہ سے رواں سال کی پہلی ششماہی میں 41ارب ڈالر کے اقتصادی نقصانات ہوئے جو توقعات سے کافی کم ہیں۔ری انشورنس گروپ سوئس ری کی جانب سے جاری کردہ اعدادوشمار کے مطابق گزشتہ سال کی پہلی ششماہی میں انشورڈ اور ان انشورڈ نقصانات 59 ارب ڈالر رہے تھے جبکہ روال کی پہلی ششماہی کے نقصانات گزشتہ 10سال کی پہلی ششماہی کے اوسط نقصانات94ارب ڈالر سے بھی بہت کم ہیں۔اعدادوشمار کے مطابق گزشتہ 6ماہ کے دوران قدرتی آفات کے نقصانات میں سے 21 ارب ڈالر کا بوجھ انشورنس انڈسٹری پر پڑا تاہم گزشتہ مالی سال کی پہلی ششماہی میں یہ مالیت25ارب الر اور گزشتہ دہائی کی پہلی ششماہی میں یہ اوسطاً 27 ارب ڈالر رہی تھی، جنوری سے جون 2014 تک انشورنس انڈسٹری کو امریکا میں مئی کے وسط میں آنے والے طوفان اور ڑالہ باری سب سے زیادہ مہنگی پڑی جس کی مالیت 2.6ارب ڈالررہی۔ سوئس ری کے مطابق انسانی ہاتھوں سے لائی گئی تباہی کے گزشتہ 6ماہ میں نقصانات 3ارب ڈالر رہے جس میں سے2ارب ڈالر کے نقصانات انشورڈ تھے۔

مزید :

کامرس -