یمن کے صعدہ اور حجہ کے محاذوں پر200 سے زیادہ حوثی جنگجو اور کمانڈر ہلاک

یمن کے صعدہ اور حجہ کے محاذوں پر200 سے زیادہ حوثی جنگجو اور کمانڈر ہلاک
یمن کے صعدہ اور حجہ کے محاذوں پر200 سے زیادہ حوثی جنگجو اور کمانڈر ہلاک

  

صنعاء (این این آئی)یمن کے دو صوبوں صعدہ اور حجہ میں گزشتہ 3 روز کے دورا ن میں یمنی فوج کے ساتھ لڑائی میں متعدد کمانڈروں سمیت 200 سے زیادہ حوثی جنگجو ہلاک اور بیسیوں زخمی ہوگئے ۔

غیرملکی خبررساں ادارے کے مطابق حجہ میں ذرائع نے بتایا کہ فوج نے حوثی باغیوں کے بیلسٹک میزائل چلانے کے پیڈ تباہ کر دیے جبکہ عرب اتحاد کے لڑاکا طیاروں نے حوثی ملیشیا کے 18 اڈوں کو اپنے حملوں میں نشانہ بنایا ہے۔ صوبہ البیضاء میں بھی لڑائی میں بارہ حوثی جنگجو ہلاک ہوگئے ۔یمنی فوج نے شمالی صوبے صعدہ کے مختلف علاقوں میں حوثی ملیشیا کے خلاف لڑائی میں پیش قدمی جاری رکھی ہے اور وہاں مختلف محاذوں پر ان کے درمیان خونریز جھڑپوں کی اطلاعات ملی ہیں۔یمن فوج نے صعدہ کے 2 علاقوں ثحر اور بکیل المیر پر قبضہ کر لیا ہے جبکہ اس سے قبل یمنی فوج نے ضلع حیران پر دوبارہ کنٹرول حاصل کر لیا تھا۔

حوثی ملیشیا کو صعدہ کے علاقے میران میں سرکاری فوج کے ساتھ جھڑپوں میں بھاری جانی نقصان اٹھانا پڑا ہے اور وہاں لڑائی میں اس کے 3کمانڈر احمد یحییٰ النعمانی ، صلاح محمد جعادر اور صلاح محمد علی بداش ہلاک ہوگئے ہیں۔عسکری ذرائع کے مطابق یمنی فوج نے صعدہ اور حجہ کے3 اضلاع میں متعدد دیہات اور علاقوں کو حوثیوں کے قبضے سے آزاد کرا لیا ہے۔

مزید :

بین الاقوامی -