چوہدری نثار علی خان نے اب تک کا اہم ترین قدم اٹھا لیا، ایسا کام کر دیا کہ ہر سیاستدان ہی ہکا بکا رہ جائے

چوہدری نثار علی خان نے اب تک کا اہم ترین قدم اٹھا لیا، ایسا کام کر دیا کہ ہر ...
چوہدری نثار علی خان نے اب تک کا اہم ترین قدم اٹھا لیا، ایسا کام کر دیا کہ ہر سیاستدان ہی ہکا بکا رہ جائے

  

راولپنڈی(ڈیلی پاکستان آن لائن)پاکستان مسلم لیگ نے کے ناراض رہنما چوہدری نثار نے عام انتخابات میں ہار کے بعد ضمنی انتخابات میں حصہ لینے سے انکار کر دیا ۔

نجی ٹی وی چینل”ہم نیوز“ کے مطابق سینئر سیاستدان اور سابق وزیر داخلہ چودھری نثارنے ضمنی انتخابات میں کسی نشست پر کاغذات نامزدگی جمع نہیں کرائے جس کی وجہ سے وہ عارضی طور پر انتخابی سیاست سے الگ ہو گئے ہیں،صوبائی نشست پر کامیابی کے باوجود انہوں نے عدم دلچسپی دکھائی اور ابھی تک حلف نہیں اٹھایا جس کے باعث پنجاب اسمبلی میں ان کی رجسٹریشن نہیں ہوئی،چوہدری نثار نے ن لیگ کی طرف سے ٹکٹ نہ ملنے پر ضمنی انتخابات سے علیحدگی اختیار کی ہے، ان کا لندن اور امریکہ روانگی کا امکان ہے جہاں وہ کچھ وقت گزاریں گے اور اپنا طبی معائنہ بھی کرائیں گے۔

واضح رہے چوہدری نثار حالیہ انتخابات میں پی ٹی آئی کے امیدوار غلام سرور کے مقابلہ میں دو قومی اسمبلی کے حلقوں سے الیکشن لڑے تھے اور دونوں میں ہی انہیں شکست ہوئی تھی،انتخابات سے قبل انہوں نے شکوہ کیا تھا کہ میں نے زندگی کے 34 سال ایک ایسے شخص کے ساتھ وفاداری کی جس نے وقت آنے پر مجھے دھوکا دیا۔

مزید :

قومی -علاقائی -پنجاب -راولپنڈی -