کشمیر کے لیے آخری حد تک جانا پڑا تو جائیں گے،ڈاکٹر فہمیدہ مرزا

اسلام آباد(آن لائن) وفاقی وزیر برائے بین الصوبائی رابطہ ڈاکٹر فہمیدہ مرزا نے کہاہے کہ سندھ کو غیر منتخب افراد کے ذریعے چلایا جا رہا ہے، صوبے میں جو بھی تبدیلی آئے گی وہ جمہوریت کے اندر رہتے ہوئے ہو گی،اپوزیشن جماعتوں نے احتساب سے بچنے کیلئے پارلیمنٹ کو یرغمال بنایا ہوا ہے، بھارت خطے میں بالادستی کے خواب دیکھ رہا ہے اگر بھارت نے پاکستان پر جنگ مسلط کی تو بھرپور جواب دیا جائے گا۔گزشتہ روز غیر ملکی نشریاتی ادارے کو دیے گئے خصوصی انٹرویو میں گرینڈ ڈیمو کریٹ الائنس (جی ڈی اے) کی مرکزی رہنما ڈاکٹر فہمیدہ مرزا کا کہنا تھا کہ حکومت جب اپنی ذمہ داری انجام نہیں دے گی تو اْسے ہٹانے کے لیے جو بھی جمہوری طریقے ہیں وہ دستیاب ہیں۔انہوں نے کہا کہ سینیٹ میں نام نہاد جمہوریت کا نام لے کر عدم استحکام کی کوشش کی گئی تو یہ حق صوبوں کے معاملات پر بھی لاگو ہوگاانہوں نے کہا کہ جس طریقے سے سندھ حکومت کے معاملات چلائے جارہے ہیں اس سے واضح ہوتا ہے کہ سندہ کو غیر منتخب افراد کے زریعے چلایا جارہا ہے جس سے سندھ کے زیادہ تر ارکان اسمبلی خوش نہیں ہیں انہوں نے کہاکہ صوبائی اسمبلی کے بہت سے ارکان ان سے رابطے میں ہیں جمہوری طریقہ یہی ہے کہ سیاسی جماعتوں میں ناراض گروپ بنتے ہیں جوکہ ہر پارٹی میں بنتے ہیں جبکہ فارورڈ بلاک بھی ہوتے ہیں اگر اس طرح کے فارورڈ بلاکس بنتے ہیں تو اْن کے خیال میں اس طرح کے آپشنز موجود ہیں۔ ڈاکٹر فہمیدہ مرزا نے کہا کہ اٹھارویں آئینی ترمیم کا مقصد اختیارات کا نچلی سطح تک منتقلی تھا لیکن بعض سیاسی خاندانوں نے اسے محض اپنے مفادات کے لیے استعمال کیا ہے اور عوام کو اس سے فوائد نہیں پہنچ سکے ہیں پیپلز پارٹی کے دور حکومت میں قومی اسمبلی کی اسپیکر کی حیثیت سے فرائض انجام دینے والی وفاقی وزیر کا کہنا تھا کہ حزب اختلاف نے احتساب کے عمل سے بچنے کے لیے پارلیمنٹ کو یرغمال بنایا ہوا ہے جو کہ جمہوریت کے لیے بہت نقصان دہ عمل ہے کشمیر کی صورت حال پر بات کرتے ہوئے فہمیدہ مرزا نے کہا کہ وزیر اعظم اور کور کمانڈرز کانفرنس نے اعلان کر رکھا ہے کہ کشمیر کے لیے کسی حد تک بھی جانا پڑا تو جائیں گے۔ اسی کی پاکستان تیاری کر رہا ہے۔کسی حد سے کیا مراد ہے؟ کے سوال کی وضاحت کرتے ہوئے اْن کا کہنا تھا کہ " اگر جنگ ہوتی ہے تو پھر جنگ ہوگی۔ ہم ایٹمی طاقت ہیں اور اسی دن کے لیے جوہری صلاحیت حاصل کی تھی فہمیدہ مرزا نے کہا کہ پاکستان کو اس بات کا ادراک شروع سے تھا کہ بھارت خطے میں اپنی بالادستی قائم کرنا چاہتا ہے۔ اس کے تدارک کے لیے پاکستان نے خود کو تیار کیا اور ایٹمی طاقت بنا۔
فہمیدہ مرزا