اظہر علی انگلینڈ میں قرنطینہ کے دوران شیف بن گئے
لاہور(سپورٹس رپورٹر)قومی کرکٹ ٹیم کے سابق کپتان اور ٹیسٹ کرکٹر اظہر علی انگلینڈ میں قرنطینہ میں وقت گزاری کیلئے شیف بن گئے۔اظہر علی نے سوشل میڈیا پر لائیو سیشن کے دوران فینز سے گفتگو کی اور اسی دوران کچن میں دال بھی بنائی۔لائیو سیشن کے دوران وہ دال بنانے کی ترکیب کے حوالے سے اہلیہ سے مشورے بھی لیتے رہے۔اظہر علی نے بتایا کہ وہ وقت گزارنے کیلئے کچن میں کام کررہے ہیں،حالانکہ کھانا فریج میں رکھا ہوا ہے مگر وقت گزارنے کا یہ ایک بہترین طریقہ ہے اور کوکنگ بھی آجاتی ہے۔اظہر علی اپنا قرنطینہ مکمل کرنے کے بعد 5 ستمبر کو کاونٹی سمر سیٹ کی جانب سے پہلا میچ کھیلیں گے۔
