’بھارت والے آئی ایس آئی سے ٹیوشن لیں ‘ بھارتی دانشور کا مشورہ

’بھارت والے آئی ایس آئی سے ٹیوشن لیں ‘ بھارتی دانشور کا مشورہ
’بھارت والے آئی ایس آئی سے ٹیوشن لیں ‘ بھارتی دانشور کا مشورہ

  

نئی دہلی(ڈیلی پاکستان آن لائن )بھارتی دانشور ڈاکٹر وکرم سنگھ نے کہا ہے کہ بھارت والے آئی ایس آئی سے ٹیوشن لیں اور کچھ سبق حاصل کریں۔ایک بھارتی نجی ٹی وی کے پروگرام میں گفت گو کرتے ہوئے بھارتی دانشور ڈاکٹر وکرم نے اپنی ایجنسیوں کو آڑے ہاتھوں لیا۔ ان کا کہنا ہے کہ انہوں نے آئی ایس آئی کو 40 سال پہلے بھی دیکھا ہے، وہ کیا تھی اور اب کیا بن گئی ہے۔ڈاکٹر وکرم سنگھ نے کہا کہ آئی ایس آئی نے اپنی تیاری اور انتظامات اتنے پختہ کر لیے ہیں کہ آج سی آئی اے ، کے جی بی اور ایم آئی فائیو سمیت سب اس کا لوہا مانتے ہیں۔

ڈاکٹر وکرم کہتے ہیں کہ گالم گلوچ توبہت کر سکتے ہیں مگر آپ کو آئی ایس آئی کوعزت دینا پڑے گی، جب دنیا سو رہی تھی تو انہوں نے بہت لمبا سفر طے کر لیا،اسی لیے آج آئی ایس آئی مانی جاتی ہے۔سابق بھارتی پولیس افسر نے بھارتیوں کی زبان دازی کا منہ توڑ جواب دیتے ہوئے کہا کہ آپ زبان سے کچھ بھی کہہ دیں ، یہ ٹیکنالوجی کا دور ہے، کوئی بات چپ نہیں سکتی۔ڈاکٹر وکرم سنگھ نے بھارت سمیت دنیا کو مشورہ دیا کہ کچھ سیکھنا ہے تو آئی ایس آئی سے سبق لیں، ٹیوشن پڑھیں اور ایسا کرنا کوئی غلط کام بھی نہیں ہے۔ سب کو سبق لینا چاہیے۔

مزید :

بین الاقوامی -