جنرل (ر) خالد شمیم وائیں دوست سمیت ٹریفک حادثہ میں جاں بحق ، بیٹا اور ڈرائیور زخمی

جنرل (ر) خالد شمیم وائیں دوست سمیت ٹریفک حادثہ میں جاں بحق ، بیٹا اور ڈرائیور ...
 جنرل (ر) خالد شمیم وائیں دوست سمیت ٹریفک حادثہ میں جاں بحق ، بیٹا اور ڈرائیور زخمی

  



 راولپنڈی (مانیٹرنگ ڈیسک) سابق چیئرمین جوائنٹ چیف آف سٹاف کمیٹی جنرل (ر) خالد شمیم وائیں اپنے دوست سمیت چکری کے قریب موٹروے پر ٹریفک حادثے میں جاں بحق جبکہ ان کا بیٹا اور ڈرائیور شدید زخمی گئے ۔ ترجمان موٹروے پولیس کے مطابق جنرل(ر) خالد شمیم وائیں اپنے قریبی دوست زبیر ، بڑے بیٹے اور ڈرائیور کے ہمراہ لاہور جا رہے تھے چکری کے مقام پر انکی لینڈ کروزر کا ٹائر پھٹ گیا، ٹائر پھٹنے کے بعد گاڑی قلابازیاں کھاتی ہوئی کافی دور تک گئی اور اس میں سوار چاروں افراد شدید زخمی ہوگئے۔موٹروے پولیس نے فوری طور پر موقع پر پہنچ کر زخمیوں کو سی ایم ایچ راولپنڈی منتقل کیا جہاں زخموں کی تاب نہ لاتے ہوئے سابق چیئرمین جوائنٹ چیف آف سٹاف کمیٹی جنرل (ر) خالد شمیم وائیں اور ان کا قریبی دوست زبیر جاں بحق ہوگئے جبکہ ان کا بڑا بیٹا اور ڈرائیور شدید زخمی ہیں جنہیں طبی امداد دی جا رہی ہے۔ دوسری جانب آئی ایس پی آر نے بھی اس افسوسناک حادثے میں جنرل خالد شمیم وائیں کے جاں بحق ہونے کی تصدیق کردی ہے۔

خالد شمیم وائیں

مزید : صفحہ اول


loading...