ہم مصطفیٰ کمال سے 300ارب روپوں کا حساب مانگتے ہیں: ناصر حسین شاہ

ہم مصطفیٰ کمال سے 300ارب روپوں کا حساب مانگتے ہیں: ناصر حسین شاہ

  



کراچی(این این آئی)پاکستان پیپلزپارٹی کے رہنما اورسندھ کے صوبائی وزیراطلاعات سیدناصرحسین شاہ نے کہا ہے کہ ہم مصطفی کمال سے 300 ارب روپوں کا حساب مانگتے ہیں۔کراچی ایکسپوسینٹر میں میڈیا سے بات چیت کرتے ہوئے ناصرحسین شاہ نے کہا کہ کراچی کے سارے کام جماعت اسلامی سے تعلق رکھنے والے سابق ناظم نعمت اللہ خان نے شروع کئے لیکن نام نہاد مسیحاؤں کے آنے کے بعد بلدیاتی اداروں کے پاس رقم نہیں، بلدیاتی ملازمین کو تنخواہیں سندھ حکومت دے رہی ہے، کراچی میں ہمیشہ دھونس و دھاندلی کی سیاست ہوئی ہے لیکن کراچی میں بوری بند لاشوں کی اب سیاست نہیں ہوگی۔ناصر حسین شاہ نے کہا کہ پاک سرزمین پارٹی کا مستقبل تاریک ہے، بڑے جلسوں کا دعوی کیا جاتا ہے لیکن لوگ نہیں آتے، ہم مصطفی کمال سے 300 ارب روپوں کا حساب مانگتے ہیں، مصطفی کمال بتائیں کہ اکبرکنٹریکٹر کون ہے جسے سارے ٹھیکے دیے جاتے تھے۔ انہوں نے کہا کہ کراچی میں کئی ترقیاتی منصوبوں پر کام جاری ہے، لیاری ایکسپریس وے کو جنوری میں کھول دیا جائے گا۔

مزید : صفحہ آخر