نئے سال کے آغاز سے صرف ایک روز قبل ندا ڈار کو شاندار اعزاز مل گیا

نئے سال کے آغاز سے صرف ایک روز قبل ندا ڈار کو شاندار اعزاز مل گیا
نئے سال کے آغاز سے صرف ایک روز قبل ندا ڈار کو شاندار اعزاز مل گیا

  



لاہور (ڈیلی پاکستان آن لائن) پاکستان ویمن کرکٹ ٹیم کی آل راؤنڈر ندا ڈار نے انٹرنیشنل کرکٹ کونسل (آئی سی سی) کی خصوصی کیپ وصول کر لی ہے۔

تفصیلات کے مطابق پاکستان کرکٹ بورڈ (پی سی بی) نے ٹوئٹر پر ندا ڈار کی دو تصاویر شیئر کیں ہیں جن میں وہ چیئرمین پی سی بی احسان مانی سے آئی سی سی ویمن ٹی20 کی ٹیم آف دی ایئر 2019 کی کیپ وصول کر رہی ہیں۔

ندا کا شمار پاکستان کی تجربہ کار ویمن کرکٹرز میں ہوتا ہے جبکہ وہ آسٹریلیا کی بگ بیش لیگ کھیلنے والی پہلی پاکستانی خاتون کرکٹر ہونے کا اعزاز بھی رکھتی ہیں۔ آف سپنر ندا ڈار 96 ٹی 20 اور 71 ون ڈے میچز میں پاکستان کی نمائندگی کرچکی ہیں۔ وہ ٹی 20 کرکٹ میں پاکستان کی جانب سے سب سے زیادہ 88 وکٹیں لینے والی کھلاڑی ہیں۔

مزید : کھیل