دھند، مختلف مقامات پر ٹریفک حادثات 23افراد جاں بحق،متعدد زخمی
اٹک، نوشہروفیروز، کوٹ ادو،شورکوٹ،لودھراں،وزیرآباد(آئی این پی) دھند کے باعث ملک کے مختلف مقامات پرٹریفک حادثات کے نتیجے میں 23افراد جاں بحق جبکہ متعدد زخمی ہوگئے۔ تفصیلات کے مطا بق پنجاب کے ضلع اٹک کے شہر فتح جنگ کے قریب موٹروے پر تیز رفتار بس حادثے کا شکار ہوگئی جس کے نتیجے میں 10افراد جاں بحق اور 7زخمی ہوگئے، موٹرو ے پولیس نے بتایا ڈیر ہ اسماعیل خان موٹروے ایم 14پر فتح جنگ کے قریب حادثہ ڈرائیور کی غفلت کے باعث تیز رفتاری سے پیش آیا جہاں بہاولپور سے اسلام آباد جانیوالی بس بے قابو ہو کر الٹ گئی،موٹروے پولیس اطلاع ملتے ہی ووقع پر پہنچ گئی اور تمام لاشیں اور زخمیوں کو ٹی ایچ کیو فتح جنگ منتقل کردیا،دریں اثناء ضلع جنگ میں گڑھ موڑ کے قریب ایک ٹریکٹر ٹرالی اور ہائی رف میں ٹکرا کے نتیجے میں ایک ہی خاندان کے 12افراد زخمی ہو گئے،حادثہ ہائی روف کے بریک فیل ہونے سے پیش آیا، متاثرہ گاڑی فیصل آباد سے فتح پو ر جا رہی تھی۔ ادھر نو شہر و فیر وز میں مورو قومی شاہراہ پرمسافر وین اور ٹریلر میں تصادم کے نتیجے میں آٹھ افراد جاں بحق اور گیارہ افراد زخمی ہوگئے، زخمیوں کی تشویشناک حا لت میں نوا بشاہ ہسپتال منتقل کردیا گیا، جاں بحق اور زخمیوں کا تعلق تگربرادری سے ہے جو حیدرآباد میں رشتہ دار کی شادی کی تقریب سے واپس نوشہروفیروزکے نواحی گاؤں فاضل تگر آرہے تھے، تیز رفتاری اور دھند کے باعث حادثے کا شکار ہوگئے،دریں اثناء کوٹ ادو میں لنگرسرائے کے قریب دھند کے باعث ٹریکٹرٹرالی،مزدہ اورمسافرکوچ آپس میں ٹکرا گئے،جس سے ایک شخص جاں بحق، دوافراد زخمی ہوگئے، زخمیوں کوہسپتال منتقل کردیاگیا،ادھرشور کوٹ کینٹ روڈ پر موٹروے انٹرچینج کے قریب موٹر سائیکل سلپ ہونے سے 31 سا لہ نوجوان ایم ر مضا ن جاں بحق ہو گیا، اسی طرح لودھراں میں مخدوم والی کے قریب ملتان جانیوالی گاڑی اور ٹریکٹرٹرالی میں تصادم کے نتیجے میں پانچ مسافر زخمی ہوگئے،جبکہ دلاور ٹا ؤ ن کے قریب ٹر ک اورکارمیں تصادم کے نتیجے میں ایس ایچ اوغلام نبی بجارانی زخمی ہوگیا،دوسری طرف وزیر آباد میں ٹریکٹر ٹرالی نے موٹر سائیکل کو ٹکر مار دی جس کے نتیجے میں 3 ا فر ا د جاں بحق ہوگئے جبکہ ایک شخص زخمی ہو گیا، جنہیں ہسپتال منتقل کر دیا گیا۔
دھند حادثات
