خواجہ آصف نہیں چاہتے مذاکرات کامیاب ہوں، شوکت یوسفزئی

 اسلام آباد(آئی این پی)   پی ٹی آئی رہنما شوکت یوسفزئی نے کہا ہے کہ خواجہ آصف نہیں چاہتے کہ مذاکرات کامیاب ہوں، انہیں خوف ہے کہ کہیں ریحانہ ڈار اسمبلی نہ آجائیں۔ایک نجی ٹی وی سے گفتگوکرتے ہوئے شوکت یوسفزئی کا کہنا  تھا کہ معاشی مشکلات تب ختم ہوں گی جب سیاسی استحکام آئے گا، سیاسی استحکام تب آئے جب آپ بیٹھ کر بات کریں گے، پیپلز پارٹی الگ رونا رو رہی ہے، ایوان صدر تک پہنچ گئی اور کہتی ہے ہم حکومت میں نہیں ہیں۔ پی ٹی آئی   رہنما نے کہا کہ انصاف اور قانونی کی خلاف ورزی نہ ہو تو دیگر چیزیں بہتر ہو جائیں گی، 9 مئی اور 26 نومبر کا ملبہ ہم پر ڈالا جا رہا ہے تو کیوں نا اس کی تحقیقات ہوں، جوڈیشل کمیشن بنایا جائے تاکہ دودھ کا دودھ اور پانی کا پانی ہو جائے۔ان کا مزید کہنا ہے کہ حکومت اپنے وزرا کو بھی سمجھائے جو رات دن طعنے دے رہے ہیں، وزیرِ دفاع کہتے ہیں کہ اشارہ ہے، کس کی طرف سے اشارہ ہے بتا دیں وزیرِ دفاع ہیں آپ۔شوکت یوسفزئی نے  کہا کہ سوشل میڈیا ہمارے کنٹرول میں نہیں، بہت سارے لوگ حکومت سے ناراض ہیں وہ اپنا غصہ نکال رہے ہیں۔

 یوسفزئی