افغانستا ن بھائی،ادب سے کہتے ہیں دھمکیاں نہ دیں، طاہر اشرفی 

ملتان(سٹی رپورٹر) چیئرمین پاکستان علما ء کونسل حافظ طاہرمحمود اشرفی نے کہا ہے کہ افغانستان ہمارا بھائی،ادب سے کہتے ہیں دھمکیاں نہ دیں۔ پاکستانیوں کو شہید کرنیوالے افغانستان کی پناہ میں کیوں ہیں؟ ہمیں طالبان کی حکومت سے یہ توقع نہیں تھی، پاکستان کوئی کمزورملک نہیں ایٹمی قوت ہے، پاکستان میں سیاسی اختلافات ہونگے لیکن وطن کیلئے سب متحد ہیں ہم ا(بقیہ نمبر25صفحہ7پر)

پنی افواج کے شانہ بشانہ کھڑے ہیں اسلام آباد میں تقریب سے خطاب کرتے ہوئے طاہر اشرفی کا کہنا تھا کہ مدارس کی رجسٹریشن اہم قدم ہے، ملک بھر میں 18ہزارسے زائد مدارس کی رجسٹریشن ہوچکی ہے، اگر کسی نے وزارت تعلیم کیساتھ نہیں جانا وہ نہ جائے وزارت تعلیم سے بھی مدارس کی رجسٹریشن جاری ہے، وزارت تعلیم سے رجسٹریشن کو سب نے تسلیم کیا ہوا ہے، دونوں نقطہ نظر کو اس آرڈیننس میں تسلیم کیا گیا ہے جو وزارت صنعت کیساتھ جانا چاہتے ہیں ہمیں کوئی اعتراض نہیں، ہم کل اور آئندہ بھی مدارس کے چوکیدار رہیں گے۔ پارا چنارکے حالات پرپورا ملک پریشان ہے، مسائل کا حل طاقت سے نہیں مذاکرات سے ہوتا ہے، شیعہ، سنی سب پاکستانی ہے، ہم کوشش کررہے ہیں، اگرضرورت پڑی تو پارا چنارجانے کیلئے تیار ہیں، ہم سب پاکستانی، آیئے!پاکستان زندہ باد کہتے ہوئے مسئلہ حل کریں۔ کرم کے مسئلے پر تمام مکاتب فکرسے بات کرنے کو تیار ہیں، خیبرپختونخوا حکومت بھی کرم معاملے پر سنجیدگی دکھائے، کرم کا مسئلہ حل ہونا چاہیے، کرم سمیت کسی بھی جگہ غیرقانونی اسلحہ نہیں ہونا چاہیے۔  

طاہراشرفی