میپکو ٹیموں کا بجلی چوروں کیخلاف کریک ڈاؤن،63گرفتار
ملتان (نیوز رپورٹر)چیف ایگزیکٹو آفیسر میپکو انجینئر گل محمد زاہد کی زیرنگرانی میپکو ریجن میں بجلی چوروں کیخلاف آپریشن جاری ہے۔رواں ماہ میں مزید1675افراد مختلف طریقوں سے بجلی چوری کرتے ہوئے پکڑے گئے۔1476بجلی چوروں کیخلاف مقدمات کا اندراج کروایاگیا جبکہ 63 افراد موقع سے گرفتارہوئے۔بجلی چوروں کو مجموعی طورپر10کروڑ29 لاکھ50ہزار روپے جرمانہ عائد کیاگیاجبکہ2کروڑ57لاکھ20ہزارروپے جرمانہ موقع پر وصول کیاگیا۔یکم تا28دسمبر2024 کے دوران میپکو ٹیموں، رینجرز اورپولیس فورس کے جوائنٹ آپریشن میں (بقیہ نمبر31صفحہ7پر)
ملتان سرکل میں 254بجلی چوروں کو2کروڑ22لا کھ70ہزار روپے جرمانہ عائد کیا گیا اور251 بجلی چوروں کے خلاف مقدمات کا اندراج ہواجبکہ 2بجلی چور گرفتارہوئے۔ ڈی جی خان سرکل میں 172افراد کو53 لاکھ40 ہزارروپے جرمانہ عائد اور172ایف آئی آرز درج ہوئیں جبکہ5افراد گرفتارہوئے۔وہاڑی سرکل میں 127بجلی چوروں کو90لاکھ روپے جرمانہ عائدکیاگیا اور89مقدمات درج ہوئے جبکہ4افراد گرفتارہوئے۔ بہاولپور سرکل میں 191 صارفین کوایک کروڑ53 لاکھ60ہزار روپے جرمانہ عائداور190مقدمات درج ہوئے جبکہ28افراد کو گرفتارکروایاگیا۔ساہیوال سرکل میں 190 بجلی چوروں کوایک کروڑ47لاکھ30ہزارروپے جرمانہ عائد اور159افراد کے خلاف مقدمات درج ہوئے جبکہ 10بجلی چور گرفتارہوئے۔رحیم یار خان سرکل میں 238 صارفین کو67 لاکھ40ہزار روپے جرمانہ عائداور238ایف آئی آرز درج ہوئیں جبکہ11بجلی چور گرفتارہوئے۔ مظفرگڑھ سرکل میں 240صارفین کو 62 لاکھ70 ہزار روپے جرمانہ عائد اور196مقدمات درج، بہاولنگر سرکل میں 106 بجلی چوروں کوایک کروڑ19 لاکھ60ہزار روپے جرمانہ عائداور102مقدمات درج، خانیوال سرکل میں 157 صارفین کوایک کروڑ12لاکھ70ہزار روپے جرمانہ عائد کیا گیاجبکہ3بجلی چوروں کو موقع سے گرفتارکروایاگیا۔
