آسٹریلیا پہلی بار مینز اور ویمنز دونوں ایونٹس کی میزبانی کریگا

آسٹریلیا پہلی بار مینز اور ویمنز دونوں ایونٹس کی میزبانی کریگا

دبئی(نیٹ نیوز) آئی سی سی نے ورلڈ ٹی ٹوئنٹی 2020 کے وینیوز کا اعلان کردیا جہاں آسٹریلوی شہروں کے 13 گراؤنڈز مینز اور ویمنز ایونٹس کی میزبانی کریں گے۔آئی سی سی کی جانب سے اعلان کردہ وینیوز کے مطابق مینز اور ویمنز ورلڈ ٹی ٹوئنٹی 2020 کے میچز آسٹریلیا کے 8 شہروں کے13 گراؤنڈز پر ہوں گے۔ میزبانی کرنے والے شہروں میں ایڈیلیڈ، برسبین، کینبرا، گیلونگ، ہوبارٹ، میلبورن، پرتھ اور سڈنی شامل ہیں۔ مینز اور ویمنز ایونٹس پہلی بار ایک ہی ملک میں الگ الگ تاریخوں پر منعقد ہوں گے، خواتین کا ایونٹ 21 فروری سے8 مارچ تک ہوگا جب کہ مردوں کے میچز 18 اکتوبر سے15 نومبرتک کھیلے جائیں گے۔ مینز ٹی ٹوئنٹی میں 16 اور ویمنزایونٹ میں 10 ٹیمیں شریک ہوں گی۔دونوں ایونٹس کے فائنل کی میزبانی میلبورن کرکٹ گراؤنڈ کرے گا، ویمنز ایونٹ کے سیمی فائنلز سڈنی کرکٹ گراؤنڈ جب کہ مینز سیمی فائنلز سڈنی گراؤنڈ اور ایڈیلیڈ اوول میں ہوں گے۔

مزید : کھیل اور کھلاڑی


loading...