شمالی وزیرستان میں آپریشن، 5دہشتگرد ہلاک

      شمالی وزیرستان میں آپریشن، 5دہشتگرد ہلاک

  



دتہ خیل (مانیٹرنگ ڈیسک، نیوز ایجنسیاں) سیکیورٹی فورسز نے شمالی وزیرستان میں آپریشن کے دوران 5 دہشت گرد ہلاک کر دیئے، امن دشمنوں سے لڑتے ہوئے پاک فوج کے 2 جوان شہید ہو گئے۔آئی ایس پی آرکے مطابق سیکورٹی فورسز نے شمالی وزیرستان کے علاقے دتہ خیل میں دہشت گردوں کی موجودگی سے متعلق خفیہ معلومات پر آپریشن کیا، جس میں 5 دہشت گرد مارے گئے۔ دہشت گردوں سے لڑتے ہوئے پاک فوج کے 2 جوان شہید ہوگئے۔ شہید ہونے والوں میں سپاہی محمد شمیم اور سپاہی اسد خان شامل ہیں۔ دوسری جانب بلوچستان کے ضلع تربت میں سیکیورٹی فورسز نے کارروائی کرتے ہوئے 5 دہشتگردوں کو ہلاک کر دیا۔ کارروائی کے دوران فورسز اور دہشتگردوں کے درمیان فائرنگ کا تبادلہ بھی ہوا۔ہلاک دہشتگروں کی شناخت نوار عرف کمانڈنٹ، ظفرعرف ڈودا، جمیل عرف ٹیٹک اور میرو کے نام سے ہوئی جبکہ ایک دہشتگرد کی شناخت تا حال نہ ہوسکی، لاشیں ہسپتال منتقل کر دی گئی ہیں۔

دہشت گرد ہلاک

مزید : صفحہ اول