ویلنشیا ٹاؤن، حمیرا کو بداخلاقی کے بعد قتل کیاگیا، پوسٹ مارٹم رپورٹ
لاہور (کرائم رپورٹر)ستوکتلہ کے علاقہ ویلنشیا ٹاؤن سے ملنے والی جواں سالہ حمیرا کو بداخلاقی کے بعد گلا دبا کر قتل کیا گیا۔ مقتولہ کی ابتدائی پوسٹ مارٹم رپورٹ منظر عام پر آگئی ہے۔ورثا نے پوسٹ مارٹم کے بعد لاش وصول کرنے سے انکار کرتے ہوئے ملزم کی گرفتاری کا مطالبہ کیا ہے۔وزیراعلیٰ پنجاب نے واقعہ کا نوٹس لیتے ہوئے سی سی پی او سے رپورٹ طلب کرلی ملزم نے واقعے کوخودکشی کارنگ دینے کیلئے پہلے بداخلاقی کی پھرگلا دبا کر پھندے پرلٹکا دیا۔ ملزم واردات کے بعد وقوعہ کی رات ہی سعودی عرب فرار ہوگیا۔دوسری جانب ورثاء نے لاش وصول کرنے سے انکار کرتے ہوئے ملزم کی گرفتاری کامطالبہ کیا اور الزام لگایا ہے کہ پولیس بروقت کارروائی کرتی توملزم فرار نہ ہوتا۔ دوسری جانب ویلنشیا ٹاؤن کے علاقے میں گھر سے گھریلو ملازمہ کی پھندہ لگی لاش ملنے کا معاملہ پر پولیس نے گھریلو ملازمہ حمیرہ کے قتل کا مقدمہ بھائی رمضان کی مدعیت میں درج کر لیا ستوکتلہ تھانے میں نامعلوم ملزمان کے خلاف قتل کا مقدمہ درج کیا گیا
ایف آئی آر متن کے مطابق بیس سالہ حمیرہ کو پچیس یوم قبل ویلنشیا ٹان میں محمد خان سکھیرا کے گھر پر گھریلو ملازمہ کے طور پر کام ہے رکھوایا تھا گزشتہ رات گھر کے سرونٹ کوارٹر سے حمیرہ کی پھندہ لگی لاش ملی جبکہ پولیس نے جائے وقوعہ سے شواہد اکٹھے کر کے لاش پوسٹمارٹم کے لیے مردہ خانے منتقل کردی۔پولیس کا کہنا ہے کہ گھریلو ملازمہ نے کو قتل کیا گیا یا خودکشی کی؟ مختلف پہلوں سے تحقیقات کی جارہی ہیں موت کی وجوہات کا تعین پوسٹمارٹم رپورٹ میں کیا جائیگا دوسری جانب وزیر اعلیٰ پنجاب سردار عثمان بزدار کا ستو کتلہ کے علا قہ ویلنشیا ٹاؤن میں گھر سے ملازمہ کی نعش ملنے کے واقعہ کا نوٹس لیتے ہوئے سی سی پی او لاہور فیا ض احمد دیو سے رپورٹ طلب کرلی ان کا کہنا تھا کہ ملزمان کے خلاف قانون کے مطابق کارروائی کی جائے اور متاثرہ خاندان کو انصاف کی فراہمی یقینی بنائی جائے۔
