حریم شاہ کی ادھوری سرجری کے بعد ہونٹوں کی حالت بگڑ گئی

لاہور(فلم رپورٹر)  ٹک ٹاک سٹار حریم شاہ کی ادھوری سرجری کے بعد ان کے ہونٹوں کی حالت بگڑ گئی‘ ایف آئی اے کو اس کا ذمہ دار قرار دیدیا۔ حریم شاہ نے گزشتہ روز سوشل میڈیا پر اپنی ایک ویڈیو پوسٹ کی جس میں ان کے ہونٹوں کی حالت انتہائی خراب نظر آرہی ہے۔ حریم شاہ نے اپنی ادھوری سرجری کا ذمہ دار ایف آئی اے کو قراردیتے ہوئے  کہا  کہ وہ اس وقت لندن میں ہیں۔  انہیں لپ فلرز کروانے کا شوق بھی تھا لہذا وہ سپیشلسٹ کے پاس اپنے ہونٹوں کی سرجری کروانے گئی تھیں۔
۔ حریم شاہ نے بتایا کہ ڈاکٹرز نے ابھی  ہونٹوں کے ایک طرف فلر ڈالا ہی تھا کہ انہیں فون کال موصول ہوئی اور اس کال کے توسط سے انہیں پتہ چلا کہ ایف آئی اے نے ان کے اکانٹس منجمد کرنے کے لیے بینک کو خطوط لکھے ہیں۔حریم شاہ نے بتایا کہ یہ خبر سن کر وہ کافی رنجیدہ ہوگئیں اور ایک دم سے اٹھ گئیں۔ حالانکہ ان کے ہونٹوں کے ایک جانب فلرز ڈالے جاچکے تھے۔ لیکن پھر انہوں نے سوچا کہ اتنی مہنگائی کا دور ہے اب دوسری جانب بھی فلرز ڈلواں اور اس کے بھی پیسے دوں، تو اکانٹس تو میرے فریز ہوجائیں گے۔ویڈیو میں دیکھا جاسکتا ہے کہ ادھوری سرجری کے باعث حریم شاہ کے ہونٹوں کی حالت انتہائی بگڑ چکی ہے اور ان کے ہونٹ ایک جانب سے سوجے ہوئے نظر آرہے ہیں۔