ہلدی کے کاشتکاروں کو فصل کی بروقت برداشت مکمل کرنے کی ہدایت
قصور (اے پی پی):محکمہ زراعت نے ہلدی کے کاشتکاروں کو فصل کی بروقت برداشت مکمل کرنے کی ہدایت کی ہے اور کہاہے کہ کاشتکار فصل کی برداشت سے 3 سے 4روزقبل کھیت کو ہلکا پانی لگائیں اور وتر حالت میں پتے کاٹ کرعلیحدہ کر لیں اور کسی کی مدد سے فصل کی برداشت مکمل کرلیں۔ڈپٹی ڈائریکٹرمحکمہ زراعت (توسیع)قصورمحمداکرم طاہرنے اے پی پیکوبتایا کہ اگرکاشتکاروں کو ہلدی کی فصل کی برداشت میں کسی مشکل یا پریشانی کا سامنا کرنا پڑے تو وہ مزید مشاورت معلومات و راہنمائی کے لئے ماہرین زراعت یا محکمہ زراعت کے فیلڈ سٹاف سے بھی رابطہ کرسکتے ہیں۔
