ویمن کرکٹ ٹیم کی لیگ سپنر غلام فاطمہ کا کورونا ٹیسٹ مثبت آگیا
کراچی (این این آئی)پاکستان ویمن کرکٹ ٹیم کی لیگ اسپنر غلام فاطمہ کا کورونا ٹیسٹ مثبت آگیا۔ویمن ٹیم کے ترجمان نے لیگ اسپنر غلام فاطمہ کے کورونا میں مبتلا ہونے کی تصدیق کی۔انہوں نے کہا کہ غلام فاطمہ کا کورونا ٹیسٹ کیمپ کے لیے کراچی آمد کے موقع پر لیا گیا تھا۔ترجمان کے مطابق لیگ اسپنر کا کورونا ٹیسٹ مثبت آنے کے بعد ٹیم کے دیگر ارکان کا قرنطینہ بھی 31 جنوری تک بڑھادیا گیا ہے۔انہوں نے کہا کہ اس کے بعد قومی ویمن ٹیم کا کیمپ 2 روز کیلئے آگے بڑھا دیا گیا۔
، غلام فاطمہ 7 روز تک آئسولیشن میں رہیں گی۔
