صاف پانی کمپنی کیس، احتساب عدالت نے فیصلہ سناتے ہوئے ن لیگی رہنما سمیت 16 افراد کو بری کر دیا 

اسلام آباد (ڈیلی پاکستان آن لائن )احتساب عدالت نے صاف پانی ریفرنس کا فیصلہ سناتے ہوئے ن لیگی رہنماو سمیت 16 افراد کو بری کر دیاہے ۔

تفصیلات کے مطابق احتساب عدالت میں صاف پانی کیس ریفرنس کی سماعت ہوئی ، ن لیگی رہنما انجینئر راجہ قمر السلام اور وسیم اجمل سمیت 16 افراد نے بریت کی درخواستیں دائر کر رکھی تھیں جسے احتساب عدالت کی جانب سے منظور کر لیا گیاہے ، صاف پانی کمپنی ریفرنس کا فیصلہ احتساب عدالت کے جج ساجد علی اعوان نے سنایا ۔ عدالت شہبازشریف کی بیٹی رابعہ اور داماد علی عمران کو اشتہاری قرار دے چکی ہے جبکہ رابطہ اور علی عمران  کی جائیداد قرقی کے احکامات بھی جاری کر چکی ہے ۔