پشاور دھماکہ، ایک روز ہ سوگ کا اعلان، آج قومی پرچم سرنگوں رہے گا
پشاور(ڈیلی پاکستان آن لائن)پشاور میں آج ہونے والے دھماکے کے پیش نظر صوبے میں آج یوم سوگ منایا جائے گا۔نگران وزیر اعلیٰ محمد اعظم خان نے صوبے میں ایک روزہ سوگ کا اعلان کیا ہے۔ آج خیبرپختونخوا میں قومی پرچم سرنگوں رہے گا ۔اعظم خان نے کہا کہ حکومت شہداء کے لواحقین کے غم میں برابر کی شریک ہے، صوبائی حکومت متاثرہ خاندانوں کو تنہا نہیں چھوڑے گی۔
خیال رہے کہ پولیس لائنز کی مسجد میں نماز ظہر کے دوران خودکش دھماکے میں امام مسجد اور پولیس اہلکاروں سمیت شہید ہونے والوں کی تعداد 59 ہوگئی جبکہ159 زائد افراد زخمی ہوئے ہیں۔متعدد زخمیوں کی حالت تشویشناک ہے، دھماکے سے مسجد کی 2منزلہ عمارت کر گئی، سیکیورٹی حکام کے مطابق حملہ آور نمازیوں کی پہلی صف میں موجود تھا۔کالعدم تحریک طالبان پاکستان نے دھماکے کی ذمہ داری قبول کرلی ہے۔
