احتجاج اور دفعہ 144 کی خلاف ورزی کیس ،عمران خان کی عبوری ضمانت میں 10 فروری تک توسیع کردی گئی
اسلام آباد(ڈیلی پاکستان آن لائن)اسلام آباد کی مقامی عدالت نے احتجاج اور دفعہ 144 کی خلاف ورزی کیس میں عمران خان کی عبوری ضمانت میں 10 فروری تک توسیع کردی۔
نجی ٹی وی چینل" دنیا نیوز" کے مطابق سیشن کورٹ میں احتجاج اور دفعہ 144 کی خلاف ورزی کیس کی سماعت ہوئی،جج راجہ جواد عباس حسن نے کیس کی سماعت کی ۔ وکیل بابراعوان نے کہاکہ طبی بنیادوں اور سیکیورٹی مسائل کے باعث عمران خان پیش نہیں ہو سکتے ،عدالت نے عمران خان کی عبوری ضمانت میں 10 فروری تک توسیع کردی۔عدالت نے آئندہ سماعت پر عمران خان کی عبوری ضمانت پر حتمی دلائل طلب کرلئے۔
