انٹر بینک مارکیٹ میں ڈالر سستا ، سٹاک مارکیٹ میں سرمایہ کاروں کی چاندی ہو گئی
کراچی ( ڈیلی پاکستان آن لائن )انٹر بینک مارکیٹ میں کاروبار کے اختتام تک ڈالر کی قیمت میں کمی دیکھنے میں آئی ہے جبکہ سٹاک مارکیٹ میں سرمایہ کاروں کی چاندی ہو گئی ۔
تفصیلات کے مطابق کئی روز تک مسلسل اضافے کے بعد انٹر بینک مارکیٹ میں کاروبار کے اختتام تک ڈالر کی قیمت میں 1.74 روپے کمی ہوئی جس کے بعد ڈالر 267.89 روپے کا ہو کر بند ہوا۔ گزشتہ روز ڈالر 269.63 روپے پر بند ہوا تھا ۔
دوسری جانب سٹاک مارکیٹ میں بھی آج تیزی رہی ، شیئرز کا لین دین شروع ہو ا تو 100 انڈیکس 39 ہزار 871 پوائنٹس پر تھا جس میں آج کاروبار کے اختتام تک 801 پوائنٹس کا اضافہ ہوا اور انڈیکس 40 ہزار 673 پوائنٹس پر پہنچ کر بندہوا۔
