اڈیالہ جیل میں فواد چوہدری کی اپنی بچیوں سمیت اہل خانہ سے ملاقات
راولپنڈی (ڈیلی پاکستان آن لائن) اڈیالہ جیل میں تحریک انصاف کے رہنما فواد چوہدری کی ان کے اہل خانہ سے ملاقات کروائی گئی، ملاقات اہلیہ حبا چوہدری اور دونوں بچیاں شریک ہوئیں۔ نجی ٹی وی ایکسپریس نیوز کے مطابق الیکشن کمیشن اراکین کو دھمکیاں دینے کے کیس میں تحریک انصاف کے سینئر نائب صدر فواد چوہدری سے ان کے اہل خانہ کی ملاقات کروائی گئی، ملاقات کے دوران پی ٹی آئی رہنما کی اہلیہ حبا چوہدری اور دونوں بیٹیاں آبدیدہ ہو گئیں۔ فواد چوہدری کی ایک بیٹی کی عمر 4 جبکہ دوسری کی 6 سال ہے۔ واضح رہے کہ فواد چوہدری کو گذشتہ روز جوڈیشل ریمانڈ پر جیل بھیجنے کا حکم دیا گیا تھا۔
